Fjölmennum í Síkið í boði K-Taks
Kvennalið Tindastóls í körfubolta hefur spilað afar vel það sem af er tímabili, spilað skemmtilegan körfubolta og sýnt það að þær gefast aldrei upp. Í kvöld, þriðjudag, hefst seinni umferðin í Bónus-deild kvenna þegar Aþenukonur koma í heimsókn. Frítt er á völlinn í boði K-Taks og því um að gera að fjölmenna á völlinn, sýna kvennaliðinu þann stuðning sem þær eiga skilið og senda skýr skilaboð um það hversu stolt við erum af þessum frábæru íþróttakonum.
Hörður frá K-Tak segir þau hafa mikinn áhuga á körfubolta “Við hjá K-Tak höfum í mörg ár styrkt starfið hjá Körfuknattleiksdeild Tindastóls. Það hefur verið frábært að fylgjast með uppbyggingunni í kringum kvennaliðið undanfarin ár og við viljum sýna því stuðning með því að bjóða á leikinn. Vonumst við til að Síkið fyllist og það myndist góð stemming.”
Klara Sólveig fyrirliði liðsins segist afar þakklát fyrir stuðninginn “Þetta er frábært framtak hjá K-Tak og við erum mjög þakklátar fyrir það. Ég hvet alla til að nýta sér þetta og mæta til að styðja við bakið á okkur. Áfram Tindastóll!” og Dagur formaður tekur undir með Klöru, "Körfuknattleiksdeild Tindastóls er gríðarlega þakklát fyrir hvað við eigum marga og öfluga styrktaraðila. Nú er um að gera fyrir fólk að mæta með alla fjölskylduna og horfa á spútnik lið deildarinnar spila í Síkinu í boði K-TAK. Stelpurnar spila skemmtilegan körfubolta og væri gaman að sjá sem flesta mæta og sýna stuðning við kvennakörfubolta í verki. Áfram Tindastóll"
/aðsent
Fleiri fréttir
-
Húnahornið óskar eftir tilnefningum um fallega skreytt jólahús í Húnabyggð
feykir.is Skagafjörður, Austur-Húnavatnssýsla, Vestur-Húnavatnssýsla 10.12.2024 kl. 13.05Á heimasíðu Húnahornsins (huni.is) segir að sú hefð hefur skapast á Húnahorninu í desember að velja Jólahús ársins í Húnabyggð. Um er að ræða samkeppni eða jólaleik um fallega jólaskreytt hús, hvort sem það er íbúðarhús eða fyrirtækjahúsnæði. Samkeppnin um Jólahúsið 2024 verður með svipuðu sniði og síðust ár. Þetta er í 23. sinn sem Húnahornið stendur fyrir vali á Jólahúsi ársins.Meira -
Stjórn Búsældar ákvað að selja hlutinn í heild til Kaupfélags Skagfirðinga
feykir.is Skagafjörður, Austur-Húnavatnssýsla, Vestur-Húnavatnssýsla 10.12.2024 kl. 13.00Í byrjun júlí gerði Kaupfélag Skagfirðinga tilboð í hlut bræðranna Eiðs og Hreins Gunnlaugssona í Kjarnafæði-Norðlenska sem samanlagt áttu 57% í kjötvinnslunni í gegnum eignarhaldsfélagið Búsæld. Yfir 400 bændur áttu einnig hlut í félaginu og var þeim einnig boðið að selja til Kaupfélagsins og fengu frest til 3. september til að svara hvort þeir hefðu áhuga eða ekki. Í ljósi afgerandi niðurstöðu hluthafa til sölunnar ákvað stjórn Búsældar að selja hlutinn í heild.Meira -
Björgunarfélagið Blanda vígði nýtt húsnæði á 25 ára afmæli félagsins
feykir.is Skagafjörður, Austur-Húnavatnssýsla, Vestur-Húnavatnssýsla 10.12.2024 kl. 08.42Fjölmenni var við vígslu nýs húsnæðis og 25 ára afmælis Björgunarfélagsins Blöndu um helgina en blásið var til hátíðardagskrár á laugardaginn og stóð dagskráin frá kl. 12:00 til 17:00. Liðlega 200 manns litu við og skoðuðu glæsilegt húsnæði félagsins sem staðsett er í nýju húsnæði uppi á svokölluðu Miðholti á Blönduósi, segir á huni.is.Meira -
Meistaraflokkur karla spilar við Keflavík í VÍS bikarnum í kvöld kl. 19:15
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 09.12.2024 kl. 16.06Það er leikdagur í dag hjá meistaraflokki karla en þeir mæta eldspræku liði Keflavíkur í Blue-höllinni kl. 19:15. Stólastrákar spiluðu reyndar við þá sl. föstudag og við skulum bara ekkert tala um þann leik því það er lítið frá honum að segja þar sem Keflavík pakkaði þeim saman og var með yfirhöndina allan leikinn. Við skulum vona að þeir fari ekki eins illa með okkur í kvöld því það væri mjög sætt að komast áfram í bikarkeppninni eins og stelpurnar náðu að gera á laugardaginn þegar þær mættu Evu og stelpunum í liði Selfoss í Vallarhúsinu á Selfossi og unnu sannfærandi sigur 60-102.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.