Kjúklingur og avokadó hamborgarar
Matgæðingur í tbl 39, 2022, var Árni Gísli Brynleifsson. „Kem úr dalnum sem guð skapaði, Hjaltadal,“ segir hann. Árni vinnur hjá langtímaleigudeild Bílaleigu Akureyrar en er með starfsstöð á Sauðárkróki. Eiginkona hans er Heiða B. Jóhannsdóttir, frá Sauðárkróki, en hún er hjúkrunarfræðingur og ljósmóðir að mennt og vinnur hjá Heilbrigðisstofnun Norðurlands á Sauðárkróki. Saman eiga þau þrjú börn; Louisu Lind (16 ára), Ingólf Snæ (9 ára) og Evu Líf (5 ára).
„Í nútímasamfélagi er tíminn alltaf minni og minni, auðvitað skilur það nú samt enginn því sólahringurinn hefur nú ekki styst mikið svo ég viti, hins vegar höfum við hjónin fundið okkur knúin til að finna upp á, já eða jafnvel stela, auðveldum og þægilegum uppskriftum af mat sem auðvelt er að koma ofan í börnin okkar. Það er því okkar einlæga ánægja að fá að deila með ykkur einni svona “sukk“ föstudagsuppskrif og einni svona léttari, ferskari og hollari hversdagsuppskrift,“ segir Árni.
UPPSKRIFT 1
Kjúklingur með kús kús og kasjúhnetum
4-5 kjúklingabringur
1 sæt kartafla
gulrætur
tómat og chili kúskús
paprika
gúrka
salat
rauðlaukur
kasjúhnetur
Aðferð: Kjúklingur er skorinn í teninga og steiktur á pönnu, kryddað eftir smekk (við notum oftast kalkúnakrydd og Chicken and Steak krydd). Sæt kartafla
skorin í litla bita og gulrætur í sneiðar, sett í eldfast mót og hitað í ofni þar til þetta er orðið vel mjúkt. Kjúklingnum og kúskúsinu er dreift yfir gulræturnar og sætu kartöfluna. Endað á að dreifa ferska grænmetinu yfir allt í eldfasta mótinu og að lokum dreifa kasjúhnetunum yfir.
UPPSKRIFT 2
Avokadó hamborgarar – börnin okkar ELSKA þetta
1 kg hakk
300 g beikonkurl
1 lítil krukka af taco sósu (við notum medium)
1 bréf taco krydd mix.
300 g rifinn ostur
Aðferð: Beikonkurlið er steikt og síðan öllu skellt saman í skál, og hrært vel saman, mikilvægt að gera þetta með höndunum (að sjálfsögðu þrífa hendur áður) og blanda öllu vel saman. Því næst er gott að skella í hamborgarana, við höfum þá sirka 170-180 g (ath! það er mikill vökvi sem fer úr þessu). Ættuð að ná í u.þ.b. 9-10 hamborgara. Mikilvægt að eiga næga afganga, fyrir börnin. Þegar búið er að steikja/grilla hamborgarana þá er þetta borið fram. Börnunum okkar finnst gríðarlega mikilvægt að það sé rétt gert. Fyrst er hamborgarabrauðið smurt með avokadó sósu (keyptri, þetta á að vera fljótlegt) og síðan er blátt Doritos mulið yfir, síðan kemur kjöt, smá meira Doritos og endað á að setja avokadó á brauðlokið og lokað.
Verði ykkur að góðu!
Helgi Svanur Einarsson og Gígja Hrund Símonardóttir tóku svo við keflinu af Árna.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.