Hnúfubakar á nætursundi
http://www.youtube.com/watch?v=fx1U7EAGrx4Á heimasíðu Skagfirðingarsveitar segir frá því að fyrir skemmstu var haldið slöngubátanámskeið í Sveinsbúð sem var ágætlega sótt. Einhver kraftur virðist hafa losnað úr læðingi hjá bátahóp sem hefur verið óvenju duglegur við að fara á sjó uppá síðkastið.
Um síðustu helgi (Hvítasunnuhelgina) héldu 5 vaskir sveinar úr bátahóp í nætursiglingu og lögðu upp frá Reykjum á tveimur slöngubátum. Ferðinni var heitið út í Drangey en ekki höfðu sveinarnir siglt lengi þegar sá sem elstur er og sjóndaprastur í hópnum rak augun í hóp af hvölum.
Lengi vel héldu ferðalangar að þeir væru að horfa á hrefnur en eftir því sem best verður komist voru skepnurnar hnúfubakar. Ef eitthvað er að marka hinn alvitra hr. wikipedia eru dýrin gjarnan um 36 tonn og 12-16 m. á lengd, en samkvæmt sömu heimild geta dýrin orðið umtalsvert stærri og þyngri. Ekki er gott að henda reiður á það hversu mörg dýr voru á ferðinni en þau voru öðru hvoru megin við tuginn. Þegar dýrunum hafði verið fylgt eftir á rólegheita siglingu í nokkurn tíma fór að draga til tíðinda. Á að giska 30 m. frá öðrum bátnum spratt ein skepnan upp á yfirborðið og gott betur, hentist raunar svo langt á loft að enginn hluti skepnunar nam við hafflötinn. Sveinarnir ungu urðu við þetta meira en lítið hissa og þeir sem yngstir eru í hópnum hófu upp skræki sem minntu helst á smásteplur að hlusta á popptónleikum. Uppnámið jafnaði sig þegar hinir eldri og vitrari höfðu róað hina ungu og lítt reyndu hvalaskoðunarmenn. "Ég er ekki vanur að horfa til himins þegar ég er að skoða hvali" var haft eftir einum af hinum þrautreyndu köppum sem voru í ferðinni. Annar bætti við að tilfinningin hafi verið sérstök, "ekki svo að skilja að við séum ekki til í að taka farþega, það fer bara ekki vel um farþega af þessari stærðargráðu í bát Skagfirðingasveitar".
Það skiptir engum togum að dýrið skaust svona uppá sjóndeildarhringinn einum fimm sinnum áður en yfir lauk. Fyrir rest tókst að ná lifandi myndbroti af dýrinu, þegar það tók síðasta stökkið. Vegna tæknilegra vankanta er ekki hefur ekki reynst mögulegt að koma öllu myndefninu á vefinn. Hér að neðan er slóð á stutt myndskeið sem var splæst saman en myndgæðin eru ekki eins og best verður á kosið. Ef að tækniörðuleikar verða yfirstignir stendur til að setja inn fleiri myndbrot, m.a. þar sem hvalurinn synti á bakinu og veifaði báðum bægslunum áður en hann synti á braut.
Fleiri fréttir
-
Úrslitakeppnin hjá strákunum hefst í Síkinu í kvöld
feykir.is Skagafjörður, Íþróttir, Lokað efni 02.04.2025 kl. 09.04Úrslitakeppnin í Bónus deild karla hefst í kvöld en á Króknum taka deildarmeistarar Tindastóls á móti óútreiknanlegu liði Keflavíkur. Leikurinn hefst kl. 19:00 og má reikna með að stuðningsmenn fjölmenni í Síkið. Lið gestanna rétt skreið inn í úrslit...Meira -
Það fer hlýnandi þrátt fyrir hvíta jörð í morgun
feykir.is Skagafjörður, Austur-Húnavatnssýsla, Vestur-Húnavatnssýsla 02.04.2025 kl. 09.02Það slyddar eða snjóar hér á Norðurlandi vestra fyrri part dags og jörð víðast hvar hvít þegar íbúar opnuðu augun í morgunsárið. Snjóþekja er víða á vegum, skyggni sums staðar ekki gott og því æskilegt að fara að öllu með gát. Unnið er að mokstri á Öxnadalsheiði en færð er fín í Vestur-Húnavatnssýslu þó reikna megi með hálfkublettum. Það dregur úr úrkomunni þegar líður að hádegi.Meira -
Ljóðasöngur í Árskóla
feykir.is Skagafjörður, Listir og menning, Lokað efni 02.04.2025 kl. 08.42Á heimasíðu Árskóla segir af því að Alfreð Guðmundsson, kennari við skólann, hafi gefið út skemmtilega ljóðabók, Dýrin á Fróni, með vísum sem hann orti um íslensku dýrin. Síðastliðinn mánudag mættu hjónin Guðrún Jóhanna Ólafsdóttir mezzósópran og Francisco Javier Jáuregui gítarleikari, sem skipa tvíeykið Dúó Atlantico, í Árskóla og fluttu ljóðin fyrir nemendur mið- og yngsta stigs.Meira -
Fáliðaðar Stólastúlkur áttu ekki roð í Íslandsmeistarana
feykir.is Skagafjörður, Íþróttir, Lokað efni 01.04.2025 kl. 09.37Úrslitakeppnin í Bónus deild kvenna hófst í gærkvöldi og lið Tindastóls sótti þá Íslandsmeistara Keflavíkur heim. Israel og Hlynur mættu með aðeins átta stúlkur til leiks en meðal annars vantaði bæði Ilze og Rannveigu í hópinn en þær voru veikar. Heimaliðið byrjaði vel og hleypti gestunum í raun aldrei inn í leikinn. Staðan í hálfleik var 46-33 en lokatölur 91-62.Meira -
Landsmenn hvattir til að koma sér upp viðlagakassa
feykir.is Skagafjörður, Austur-Húnavatnssýsla, Vestur-Húnavatnssýsla 01.04.2025 kl. 08.21Það er mikilvægt að öll heimili landsins geti komist af í að minnsta kosti 3 daga ef neyðarástand skapast. Neyðarástand getur skapast af ýmsum ástæðum og oft með stuttum eða engum fyrirvara. Við slíkar aðstæður er mikilvægt að hvert og eitt okkar geti bjargað sér í einhverja daga án utanaðkomandi hjálpar. Við þurfum að búa okkur undir að vera án rafmagns og vatns í að minnsta kosti 3 daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.