Gul verðurviðvörun fyrir aðfaranótt föstudags
Veðrið hefur verið með besta móti síðustu tvær vikur með örfáum undantekningum sem vart eru þess virði að ástæða sé til að minnast á. Veðurstofan hefur nú skellt gulri veðurviðvörun á Strandir og Norðurland vestra frá og með miðnætti. Í dag verður veðrið að mestu stillt og gott, hiti í kringum frostmark, en þegar líður að miðnætti eykst sunnanáttinn, fyrst vestast á svæðinu en færist síðan austur yfir þegar líður á nóttina.
Í viðvörun Veðurstofunnar fyrir Strandir og Norðurland vestra segir: „Suðaustan hvassviðri, 15-20 m/s og snjókoma, sums staðar talverð. Búast má við skafrenningi og lélegu skyggni og versnandi akstursskilyrðum, einkum til fjalla.“ Ef marka má veðurspána sjálfa er útlit fyrir að úrkoma á svæðinu verði mest á Ströndum og í Vestur-Húnavatnssýslu. Þannig virðist sem snjókoma sé ekki í kortunum í Skagafirði fyrr en á laugardagskvöldið.
Á morgun föstudag má reikna með snarpri sunnanátt með úrkomu vestast á svæðinu. Hiti yfir daginn um 4-7 gráður en kólnar þegar líður á daginn. Helgin virðist verða bland í poka eða markast af umhleypingum.
Þess má geta að stefnt er á að spila fyrsta fótboltaleik ársins á Norðurlandi vestra á laugardaginn kl. 14 en þá eiga lið Tindastóls og KF að mætast í Lengjubikarnum á Króknum. Veðurspáin fyrir upphafsflautið er ekki spennandi; vestan 17 metrar á sekúndu og þriggja stiga hiti en léttskýjað. Skagfirska lognið lætur á sér kræla fjórum tímum síðar ef spár ganga eftir.
Ekki er ólíklegt að einhverjar breytingar verði á spánni – það er ekkert fast í hendi með veðrið eins og við þekkjum öll. Því vissara að fylgjast með veðrinu á gottvedur.is og umferðinni á umferdin.is. Sem stendur er snjóþekja á þjóðvegi 1 í Austur-Húnavatnssýslu en víðast annars staðar er hálka.
Fleiri fréttir
-
Full kirkja á Blönduósi þegar Karlakór Bólstaðarhlíðarhrepps steig á stokk
feykir.is Austur-Húnavatnssýsla, Listir og menning, Mannlíf, Lokað efni 27.02.2025 kl. 12.15Síðastliðið þriðjudagskvöld hélt Karlakór Bólstaðarhlíðarhrepps sína fyrstu tónleika í tilefni af 100 ára afmæli kórsins. Vel var mætt í Blönduóskirkju og tókust tónleikarnir einstaklega vel að sögn Höskuldar B. Erlingssonar, formanns kórsins. Fjörutíu kappar skipa kórinn en stjórnandi er Eyþór Franzson Wechner og undirleikari Louise Price.Meira -
Birna Guðrún og Friðrik Henrý sigruðu í partý-tvímenningi PKS
feykir.is Skagafjörður, Íþróttir, Lokað efni 27.02.2025 kl. 09.57Pílukastfélag Skagafjarðar stóð í gærkvöldi fyrir alveg hreint frábæru pílumót en þá var boðið upp á partý tvímenning fyrir krakka í 3.-7. bekk á svæðinu. Mótið fór fram í húsnæði PKS og var þátttakan fín, nítján krakkar mættu til leiks. Sigurvegarar mótsins voru þau Birna Guðrún Júlíusdóttir og Friðrik Henrý Árnason og fengu að launum gullmedalíu. Í öðru sæti urðu Rakel Birta Gunnarsdóttir og Hólmar Aron Gröndal.Meira -
Króksbíó sýnir myndina SIGURVILJI... í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 27.02.2025 kl. 09.00Sigurvilji er íslensk heimildamynd um Sigurbjörn Bárðarson tamningameistara og landsliðsþjálfara og verður hún sýnd í kvöld, fimmtudaginn 26. febrúar, í Króksbíói kl. 20:00. Þeir sem vilja panta miða á myndina er bent á að senda skilaboð á Facebook-síðunni Króksbíós.Meira -
Ráðherra í hlekkjum hugarfarsins | Gunnlaugur Sighvatsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.02.2025 kl. 08.30Hanna Katrín Friðriksson atvinnuvegaráðherra skrifaði pistil í Morgunblaðið fyrir stuttu þar sem hún tilkynnti að hún muni á næstunni leggja fram frumvarp til breytinga á lögum um stjórn fiskveiða í því skyni að auka á gagnsæi eigna- og stjórnunartengsla í sjávarútvegi, breyta reglum um hámarkshlutdeild og þrengja skilgreiningar um yfirráð og tengda aðila. Hún byrjaði grein sína á að vitna til sjónvarpsseríunnar Verbúðarinnar og gat maður ekki skilið þann inngang öðruvísi en að þar væru komin helstu rökin fyrir að grípa þyrfti til aðgerðaMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.