Grunnskólinn austan Vatna komst einnig í úrslit Málæðis
Feykir sagði frá því fyrr í vikunni að nemendur Grunnskóla og Tónlistarskóla Húnaþings vestra hefðu sent lag í verkefni Listar fyrir alla sem kallast Málæði og er ætlað að hvetja ungt fólk til að tjá sig á íslensku í tali og tónum.. Þrjú lög voru valin til að keppa til úrslita og það verður að teljast ansi magnað að auk skólans í Húnaþingi vestra þá var framlag Grunnskólans austan Vatna sömuleiðis valið í úrslit. Glöggir lesendur hafa því væntanlega lagt saman tvo og tvo og komist að þeirri niðurstöðu að tvö af þremur laganna í úrslitum komi frá skólum á Norðurlandi vestra.
Að sögn Völu Kristínar Ófeigsdóttur, kennara og umsjónarmann verkefnisins hjá GaV, þá voru það Valgerður Rakel og Dagmar Helga sem sömdu textann og lagið. „Þær spiluðu á gítar og sungu lagið inn á síma og skiluðu því þannig inn. Þetta er rólegt lag sem fjallar um að vera góð manneskja. Það heitir Riddari kærleikans en þær fengu innblástur frá orðum Höllu forseta.“
Næsta mánudag heimsækja skólann á Hofsósi, og vinna með nemendum heilan skóladag, þau GDRN (Guðrún Ýr Eyfjörð) og Vignir Snær sem þekktastur er úr Írafári en hann heldur utan um útsetningu, tökur og flutning á tónlistinni. „Það sem gert verður á þessum skóladegi er að pússa til lag og texta í samstarfi við krakkana. Einnig kemur Sturla tökumaður frá RÚV sem tekur upp efni fyrir sjónvarpsþátt. Tilgangurinn er að krakkarnir læri hvernig maður vinnur lag til útsetningar en líka að þau setji mark sitt á loka niðurstöðuna,“ segir Jóhann Bjarnason skólastjóri.
„Já, það er mjög mikil spenna í hópnum og örlar jafnvel á smá kvíða,“ segir Vala þegar hún er spurð að því hvort nemendurnir séu spenntir fyrir mánudeginum. Hún bætir við að allt unglingastig GaV hafi líka sent inn nokkra texta við lag Bubba, Sumarið 24. Einn hópurinn gekk skrefinu lengra og sendi inn hljóðupptöku þar sem þær sungu inn textann við lagið.
Á útvarpsþingi RÚV á dögunum var hluti lagsins hans Bubba spilaður í lokin á erindi Elvu Lilju, verkefnastjóra Listar fyrir alla, en þar syngja Greta Berglind, Dagmar Helga, Laufey Cara, Valgerður Rakel og Ylfa Marie nýjan texta yfir lag Bubba – nánar tiltekið á 13. mínútu myndbandsins >
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.