GDRN og Vignir Snær mættu í Grunnskólann austan Vatna
Feykir sagði frá því í síðustu viku að skólarnir á Hvammstanga og Hofsósi hefðu komist í úrslit í Málæði, verkefni sem List fyrir alla stendur að í félagi við Bubba Morthens með það að markmiði að fá skólabörn til að semja lög og texta á íslensku. Krakkarnir á unglingastii Grunnskólans austan Vatna fékk góða gesti í heimsókn í skólann á þriðjudaginn vegna þessa.
Vala Kristín Ófeigsdóttir, umsjónarmaður verkefnisins á Hofsósi, segir að Vignir Snær, Guðrún Ýr (GDRN), Stulli upptökumaður frá RÚV og verkefnastjórarnir Harpa Rut og Elva Lilja komu strax í upphafi skóladags hafi mætt í skólann til að taka lagið upp og gera myndband. „Dagurinn byrjaði á því að Dagmar Helga og Valgerður Rakel fluttu lagið sitt, Riddari kærleikans, fyrir nemendur unglingastigs og gestina. Í kjölfarið kynntu Guðrún og Vignir sína sýn og hvernig þau langaði að stækka lagið en halda jafnframt í laglínuna.“
Vala segir að nemendur hafi síðan hafist handa við fjölbreytta vinnu, sumir að semja texta við nýjan C-kafla, aðrir leituðu að góðum tökustöðum fyrir myndband og svo var saminn texti við nýtt erindi.
„Að þessu loknu voru upptökur og nemendur skiptust á að syngja inn raddir og fengu mjög góða leiðsögn frá Guðrúnu og Vigni,“ segir hún og við að gestirnir hafi haft mikinn vilja til að virkja allan hópinn. „Þau voru afar hvetjandi og jafnframt hissa á því hvað margir voru tilbúnir að spreyta sig. Deginum lauk svo með upptökum úti, í Staðarbjargavík og á brúnni við Pakkhúsið. Tökumaðurinn frá RÚV fékk svo aðstoð frá Dóra á Molastöðum sem mætti með drónann til að fullkomna gott tónlistarmyndband,“ segir Vala.
Höfðu krakkarnir gaman af heimsókninni og vinnunni við verkefnið? „Jú, krakkarnir höfðu bæði gott og gaman af þessu. Enda eru Guðrún og Vignir með afskaplega góða nærveru og stútfull af hæfileikum.“
Skemmtilegt verkefni og örugglega minnisstæð upplifun fyrir nemendur að fá þessa góðu gesti í heimsókn í skólann.
Fleiri fréttir
-
Vonskuveður gengur yfir landið
feykir.is Skagafjörður, Austur-Húnavatnssýsla, Vestur-Húnavatnssýsla 18.10.2024 kl. 13.53Veðurstofan varar við vonskuveðri á landinu í dag en djúp lægð gengur yfir landið. Verst virðist þó veðrið eiga að vera á sitt hvoru horni landsins; Vestfjörðum og á auðausturlandi. Reiknað er með talsverðri rigningu og jafnvel roki hér á Norðurlandi vestra seinnipartinn í dag en stendur stutt yfir.Meira -
Veiðileyfin í Blöndu lækka verulega
feykir.is Austur-Húnavatnssýsla 18.10.2024 kl. 11.06Félagið Fish Partner, nýr rekstraraðili Blöndu og Svartár, ætlar að lækka verð á veiðileyfum í Blöndu verulega. Sporðaköst, veiðivefur mbl.is, greinir frá þessu en laxveiði í Blöndu hefur verið dræm síðustu ár og þá sérstaklega í sumar og í fyrra. Veiðifélag Blöndu og Svartár samdi nýlega við Fish Partner um að taka að sér umboðssölu á veiðileyfum fyrir félagið.Meira -
Öruggur sigur á Hafnfirðingum í gærkvöldi
feykir.is Skagafjörður, Íþróttir 18.10.2024 kl. 09.22Tindastóll tók á móti Haukum í gærkvöldi í Bónus deild karla. Hafnfirðingar höfðu farið illa af stað í deildinni og tapað fyrstu tveimur leikjunum sannfærandi á meðan Stólarnir leifðu sér að tapa gegn KR heima í fyrstu umferð en lögðu ÍR að velli í annarri umferð. Haukarnir reyndust lítil fyrirstaða í gær og þó gestirnir hafi hangið inni í leiknum langt fram í þriðja leikhluta var leikurinn aldrei spennandi og heimamenn fögnuðu góðum tveimur stigum. Lokatölur 106-78.Meira -
Bjarni Jónsson segir skilið við VG
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 15.43Í yfirlýsingu á Facebook hefur Bjarni Jónsson, oddviti Vinstri grænna í Norðvesturkjördæmi, lýst því yfir að hann hafi ákveðið að segja sig úr VG og segja skilið við þingflokkinn. „Flestum hefur lengi verið ljóst að flokkurinn hefur sveigt af leið og brugðist grunngildum sínum og væntingum þeirra sem stóðu að stofnun hans. Hann hefur brugðist mörgu því fólki sem hefur stutt hann,“ segir Bjarni í yfirlýsingunni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.