Ég sigli á logum ljósum- Kveðskapur Erlings Péturs á bók
Þriðjudaginn 30. apríl verður haldið útgáfuhóf á Mælifelli á Sauðárkróki vegna bókar sem innheldur ljóð og stökur Erlings Péturssonar, f.v. kaupmanns í Versluninni Tindastól. Þar má búast við skemmtilegri dagskrá þar sem Brynjar Pálsson mun stjórna dagskrá Valgerður dóttir Erlings spjallar um kveðskap föður síns. Þá munu gamlir kunningjar og vinir Erlings rifja upp kynni sín af honum og sungin verða nokkur við texta hans. Sölvi Sveinsson ætlar að segja frá tilurð bókarinnar en Feykir gat ekki beðið svo lengi og hafði samband við Sölva og forvitnaðist um bókina.
Sölvi upplýsir að tilurð bókarinnar hafi orðið með þeim hætti að í spjalli við Valgerði Erlingsdóttur hafi komið fram að hana langaði til að gefa út ljóð og vísur föður síns en hún hefur varðveitt uppskriftir hans af kveðskapnum.
„Auk Valgerðar höfum við Árni Ragnarsson komið að útgáfunni. Árni safnaði þeim kveðskap sem til var á Króknum en ég fór í gegnum þau gögn sem lágu hjá Valgerði. Ég sló þetta allt saman inn en síðan var efnið skorið niður í tæplega 100 bls.,“ segir Sölvi. „Bókinni er skipt í nokkra kafla eftir yrkisefnum, myndir af Króknum, í för með Bakkusi, pólitíkin, ljóð um veiðimenn sem Erling samdi við ákveðin lög sem voru sungin á árshátíð stangveiðifélagsins, síðan vísur héðan og handan.“ Sölvi segir að um bráðskemmtilega og hressilega bók sé um að ræða enda hafi verið reynt að vanda til útgáfunnar þannig að bókin er líka fallegur prentgripur.
Titill bókarinnar Ég sigli á logum ljósum er upphafslína úr einu kvæða Erlings og sjá má hér fyrir neðan.
Nafnlaust ljóð
Ég sigli á logum ljósum
og líf mitt öndum fel.
Þó líður mér ekkert illa
en ekki heldur vel.
En ég á enga vini
utan fáa í skel.
Þó líður mér ekkert illa
en ekki heldur vel.
Ég leik mér ekkert lítið
en lifi þó ei hátt
og þætti heldur skrítið
ef yrði mér svarafátt.
Því margir ógnarandar
áfram draga mig
Ég læt mér vel við líka
lífið, þig og mig.
Það skyldi engan undra
þó andaðist ég brátt.
Ég myndi fara í friði
og flesta við í sátt.
En ég til himna haldi
ég hálfan vafa tel.
Þó líður mér ekkert illa
en ekki heldur vel.
Athugið að rangt var farið með dagsetningu í síðasta Feyki þar sem sagt var að útgáfuhófið væri á mánudegi. Rétt er að það verður haldið þriðjudaginn 30. apríl.
Fleiri fréttir
-
Skagaströnd tryggð fjarskipti um gervihnattasamband
feykir.is Austur-Húnavatnssýsla 07.04.2025 kl. 14.05Míla hefur komið á varasambandi um lágsporbrautargervihnattasamband á Skagaströnd til að tryggja að neyðarsímtöl geti borist af svæðinu ef ljósleiðaraslit á sér stað. Skagaströnd er eitt þeirra sveitarfélaga á Íslandi sem eru eintengd með einum ljósleiðarastreng. Ef tengingin slitnaði, eins og hefur gerst nýlega tvisvar sinnum í vondu veðri, var samfélagið nánast skilið frá nútímanum og sett aftur um hundrað ár í tímann hvað varðar samskipti. Þetta kemur fram í fréttatilkynningu frá Skagaströnd.Meira -
Karlakórinn Heimir söng fyrir fullri Langholtskirkju
feykir.is Skagafjörður, Listir og menning, Lokað efni 07.04.2025 kl. 13.24Heimismenn hafa verið á faraldsfæti að undanförnu og héldu austur á land í marsmánuði og nú um liðna helgi héldu þeir tvenna tónleika á stórhöfuðborgarsvæðinu, þá seinni í Langholtskirkju sem rúmar um 400 manns. Það er Skagfirðingurinn Jón Þorsteinn Reynisson sem stjórnar kórnum. „Frábærir tónleikar í Langholtskirkju, hvert sæti skipað og fullt hús! Kórinn þéttur, samhentur og mjúkur í senn,“ segir Króksarinn Björn Jóhann Björnsson í færslu á Facebook.Meira -
Brynjar Pálsson | Minning
feykir.is Skagafjörður, Minningargreinar 07.04.2025 kl. 13.21Pabbi og mamma fóru að draga sig saman sumarið 1954. Hann þá 18 ára, nýkominn heim af Vellinum og nógu auðugur, eftir á annað ár þar, til að geta keypt sér gamlan Willis-jeppa af Hermanni á Lóni með númeraplötunni K217. Það var kannski ekki gott að mamma var að stinga af í húsmæðraskóla til Silkiborgar í Danmörku og skildi hann eftir á Króknum einn vetur. Ekki löngu áður en mamma dó, fyrir tíu árum, fundum við veskið sem hún hafði farið með út en inni í því var svarthvít mynd af kærastanum. Hún brosti og sagði, með blik í auga, að vinkonur hennar hefðu haldið að hann væri kvikmyndastjarna. Hún var enn skotin í honum.Meira -
Styrkir til eflingar hjólaferðaþjónustu á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 07.04.2025 kl. 12.26Á vef SSNV segir að þetta styrkjakerfi SUB er hannað til að styðja við lítil og meðalstór fyrirtæki (SME), sem sinna hjólaferðaþjónustu og hjálpa þeim að styrkja starfsemi sína og auka viðskipti sín. Hver styrkur, nemur allt að € 5,000, - (ISK 725.000,-) og má notast fyrir virðisaukandi þjónustu eins og að ráða utanaðkomandi aðstoð við markaðsherferð, þróa viðskiptamódel eða styrkja vörumerki o.s.frv. Að auki getur styrkurinn gert fyrirtækjum kleift að gera þjónustu sína meira aðlaðandi fyrir hjólreiðafólk og hjólaferðamenn.Meira -
Vortónleikar Kórs eldri borgara í Húnaþingi vestra á morgun
feykir.is Skagafjörður, Austur-Húnavatnssýsla, Vestur-Húnavatnssýsla 07.04.2025 kl. 11.43Kór eldri borgara í Húnaþingi vestra heldur árlega vortónleika sína í Hvammstangakirkju þriðjudaginn 8. apríl kl. 17:00 og er aðgangseyrir 3.000 kr. Kórinn flytur nokkur velvalin lög í Hvammstangakirkju undir stjórn og við undirleik nýs stjórnanda Daníels Arasonar. Að loknum tónleikum verða kaffiveitingar í safnaðarheimilinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.