Skagaströnd tryggð fjarskipti um gervihnattasamband
Míla hefur nú komið á varasambandi um lágsporbrautargervihnattasamband á Skagaströnd til að tryggja að neyðarsímtöl geti borist af svæðinu ef ljósleiðaraslit á sér stað. Skagaströnd er eitt þeirra sveitarfélaga á Íslandi sem eru eintengd með einum ljósleiðarastreng. Ef tengingin slitnaði, eins og hefur gerst nýlega tvisvar sinnum í vondu veðri, var samfélagið nánast skilið frá nútímanum og sett aftur um hundrað ár í tímann hvað varðar samskipti. Þetta kemur fram í fréttatilkynningu frá Skagaströnd.
Þessi nýja lausn byggir á lágsporbrautargervihnattarsamskiptum og er mikilvægur áfangi í að tryggja öryggi og stöðugleika fjarskipta á svæðinu. Samskipti um gervihnetti eru þó takmörkuð og eiga erfitt með að veita mikla bandbreidd, jafnvel þó svartíminn sé góður þegar gervihnettirnir eru á lægri sporbraut. Það er því mikilvægt að koma á varasambandi um ljósleiðarastreng til Skagastrandar til að tryggja að önnur þjónusta en neyðarþjónusta verði ekki fyrir takmörkunum.
Sveitarstjóri Skagastrandar, Alexandra Jóhannesdóttir, lagði áherslu á mikilvægi þessa verkefnis: „Þetta er gríðarlega mikilvægur áfangi fyrir samfélagið okkar. Nú erum við ekki lengur háð einum streng varðandi fjarskipti á svæðinu sem styrkir öryggi íbúa Skagastrandar. Það er nauðsynlegt að fá hið opinbera með okkur í lið til að klára tvítengingu ljósleiðara og erum við í góðu samtali við innviðaráðuneytið vegna þessa máls. Það tekur hins vegar allt lengri tíma en maður hefði viljað og því þótti okkur mikilvægt að finna aðra lausn til að tryggja öryggi íbúa á meðan unnið er að varanlegi lausn. Við erum mjög þakklát fyrir það hversu vel Míla tók í hugmyndina og fyrir að hafa komið þessu í framkvæmd á eins skömmum tíma og raun ber vitni“.
Forstjóri Mílu, Erik Figueras Torras, er ánægður með útkomuna: „Við hjá Mílu vinnum statt og stöðugt að því að efla fjarskiptaöryggi landsins og þetta verkefni er gott dæmi þar sem ný tækni nær að leysa úr erfiðum aðstæðum. Þökk sé lágsporbrautargervihnattarsambandi hefur Skagaströnd nú fengið lausn sem tryggir bæði öryggi og framtíðarsýn í fjarskiptum. Reynið að segja þetta orð þrisvar sinnum hratt!“.
Fleiri fréttir
-
Jón Oddur komst í átta manna úrslit á Akureyri Open
feykir.is Skagafjörður, Íþróttir, Lokað efni 09.04.2025 kl. 15.41Um síðustu helgi var haldið stærsta, fjölmennasta og flottasta pílumót ársins á Íslandi, Akureyri Open, sem fram fór í Sjallanum. Skráðir keppendur voru 222 talsins, 192 karlar og 30 konur. Pílukastfélag Skagafjarðar átti að sjálfsögðu sína keppendur á þessu móti, fjóra í karlaflokk og tvo í kvennaflokki.Meira -
Skandall í Sauðárkrókskirkju
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 09.04.2025 kl. 14.10Það er óhætt að segja að hefð sé orðin fyrir því að tónleikar séu haldnir að kvöldi skírdags í Sauðárkrókskirkju og verður ekki breyting á því í ár.Meira -
Tónleikar, utanlandsferð og upptökur á döfinni
feykir.is Skagafjörður, Listir og menning, Lokað efni 09.04.2025 kl. 13.40„Við byrjuðum á að fara austur á land; Eskifjörð og Egilsstaði og fengum ljómandi aðsókn en það var nánast fullt á Egilsstöðum,“ segir Hinrik Már Jónsson kórfélagi þegar Feyki spyr út í flandrið á Heimismönnum og hvernig hafi gengið. „Reykavíkurferðin var frá föstudegi til sunnudags. Við byrjuðum á föstudagskvöldi á Akranesi og var aðsókn prýðileg. Síðan var aðalstöffið í Langholtskirkju á laugardaginn og var fullt út úr dyrum og mikið klappað. Við fluttum þrjú aukalög sem er óvenjulega mikið. Um kvöldið gerðu Heimisdrengir sér síðan glaðan dag á Hótel Grand.“Meira -
Tindastóll er mitt lið og því fær enginn breytt
feykir.is Skagafjörður, Íþróttir, Mannlíf, Lokað efni 09.04.2025 kl. 12.10Stuðningsmenn Tindastóls í körfunni er sumir hverjir eiginlega alveg ga-ga. Í bílferð um daginn hleraði Feykir alveg óvart samtal þar sem fram kom að viðmælandinn, sem starfaði á höfuðborgarsvæðinu, hafði aðeins misst af einum eða tveimur leikjum Tindastóls í vetur. Þá erum við ekki að tala um í sjónvarpinu heldur hefur hann í öllum tilfellum mætt á pallana með raddböndin í lagi og hjartað á réttum stað. Að símtali loknu var því spurst fyrir um hver viðmælandinn var og það reyndist hafa verið Halldór Ingi Steinsson. Það var því borðleggjandi að ná tali af honum.Meira -
Stökkmót Smára verður laugardaginn 12. apríl
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 09.04.2025 kl. 11.20Þau leiðu mistök urðu við uppsetningu á Sjónhorni vikunnar að vitlaus dagsetning var í auglýsingu frá Ungmenna- og Íþróttafélaginu Smára. Hér kemur rétta auglýsingin en þau ætla að halda Stökkmót Smára í öldungaflokkum kvenna og karla innanhúss í Íþróttahúsinu í Varmahlíð laugardaginn 12. apríl 2025, kl. 11.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.