Bíósýningar vikunnar í Króksbíói
Það geta ekki öll bæjarfélög státað sig af því að boðið sé upp á bíósýningar nokkrum sinnum í viku en það er hinsvegar reyndin á Króknum. Alla jafna birtast bíóauglýsingarnar í Sjónhorni vikunnar sem kemur út alla miðvikudaga. En því miður uðru þau leiðu mistök þessa vikuna að auglýsingin fyrir bíóið birtist ekki í prentútgáfu Sjónhornsins en er í rafræna eintakinu sem hægt er að lesa hér.
Þær myndir sem Króksbíó ætlar að bjóða upp á í vikunni eru....
SIGURVILJI - verður sýnd fimmtudaginn 27. febrúar kl: 20:00.
Sigurbjörn Bárðarson er þjóðsagnarpersóna í lifanda lífi og einn verðlaunaðasti íþróttamaður íslenskrar íþróttasögu. Hann hóf ferilinn ungur með tvær hendur tómar en var fljótur að læra af hestaköllum og bílabröskurum hvernig hann ætti að ná árangri og standa á toppnum.
Sigurvilji er mynd af miklum sigurvegara, dýravini og baráttumanni sem hefur áratugum saman verið í fremstu röð af eigin verðleikum.
ÞEGAR JÖRÐIN SPRAKK Í LOFT UPP verður sýnd sunnudaginn 2. mars kl:15:00 - verður með Ísl. tal.
CAPTAIN AMERICA: Brave New World verður sýnd mánudaginn 3. mars kl: 20:00 - bönnuð 12 ára og yngri.
Fleiri fréttir
-
Jón Gnarr vill skoða þann möguleika að opna Háholt að nýju
feykir.is Skagafjörður, Lokað efni 26.02.2025 kl. 13.15Árið 2017 var tekin ákvörðun af Barnaverndarstofu að loka meðferðarheimilinu Háholti í Skagafirði án samráðs við Byggðarráð Sveitarfélagsins Skagafjarðar. Breyttar meðferðaráherslur voru sagðar helsta ástæðan og að færa ætti starfsemina á höfuðborgarsvæðið. Húsið var fyrir skemmstu auglýst til sölu og Jón Gnarr þingmaður Viðreisnar sem situr í velferðarnefnd Alþingis vakti athygli á því að nú væri búið að auglýsa Háholt til sölu sem áður var meðferðarheimili fyrir börn. Jón segir í pistli sínum að hann hafi fyrst og fremst boðið sig fram til Alþingis til að vinna að málefnum barna í vanda sem honum finnst vera málaflokkur sem hafi gleymst.Meira -
Töltmeistarinn Jói Skúla gjaldgengur í danska landsliðið
feykir.is Skagafjörður, Íþróttir, Hestar, Lokað efni 26.02.2025 kl. 11.47Eiðfaxi sagði frá því á dögunum að Króksarinn Jóhann Rúnar Skúlason, sem búið hefur í Danmörku í áratugi, sé nú orðinn gjaldgengur í danska landsliðið og stefnir á þátttöku fyrir hönd Dana á Heimsmeistaramóti íslenska hestsins sem fram fer í Birmens Torf í Sviss snemma í ágúst á þessu ári. Jóhann telst vera einn sigursælasti knapi samtímans og hefur m.a. sjö sinnum orðið heimsmeistari í tölti á fimm mismunandi hestum.Meira -
Fiskeldisstöð Háskólans á Hólum til sölu
feykir.is Skagafjörður, Lokað efni 26.02.2025 kl. 10.50Í byrjun vikunnar auglýsti Framkvæmdasýslan – Ríkiseignir húsnæði Háskólans á Hólum, sem skólin nýtti undir rannsóknarvinnu í fiskeldi, til sölu. Um er að ræða fiskeldisstöðina sem FISK Seafood gaf skólanum árið 2022 en áður var Hólalax með starfsemi í húsunum. Í frétt í Viðskiptablaðinu segir að fasteignamat lóðarinnar nemi 120 milljónum króna en brunabótamat nemur 554,5 milljónum.Meira -
Kjarasamningar kennara undirritaðir
feykir.is Skagafjörður, Austur-Húnavatnssýsla, Vestur-Húnavatnssýsla 26.02.2025 kl. 09.40Kjarasamningur Kennarasambands Íslands við Samband íslenskra sveitarfélaga og ríkið var undirritaður í húsakynnum ríkissáttasemjara laust fyrir miðnættið í gærkvöld. Samningurinn er mjög svipaður þeim sem sveitarfélögin höfnuðu síðastliðinn föstudag.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.