Árni Geir í framkvæmdastjórastarf hjá Origo
Króksarinn Árni Geir Valgeirsson hefur verið ráðinn framkvæmdastjóri hjá Origo og mun hann leiða hugbúnaðarsvið félagsins frá októbermánuði. Origo er eitt af stærstu tölvufyrirtækjum landsins.
Í tilkynningu á vef Origo segir að Árni Geir hafi víðtæka reynslu af stjórnun í hugbúnaðarþróun og rekstri. Hann starfaði áður hjá Íslandsbanka frá árinu 2011 þar sem hann var forstöðumaður stafrænnar þróunar á upplýsingatæknisviði, ásamt því að bera ábyrgð á tækniframþróun og tæknihögun, bæði í þróun og rekstri. Áður vann Árni við hugbúnaðarþróun og rekstur hjá Tern Systems, VIJV og Oz.
Árni er með B.Sc. í tölvunarfræði frá Háskólanum í Reykjavík og M.Sc. í Verkfræði með áherslu á máltækni og gervigreind frá Álaborgarháskóla. „Ég er bæði stoltur og spenntur að ganga til liðs við teymið hjá Origo sem hefur náð frábærum árangri í vöruþróun og taka þátt í þeirri vegferð sem er þar framundan.
Hann er sonur Valgeirs og Buggu eða nánar tiltekið Valgeirs Kárasonar og Guðbjargar Pálmadóttur.
Upprifjun á tuðrusparki
Þess má til gamans geta að Árni Geir var í tuðrusparkinu með liði Tindastóls og fleiri liðum í byrjun aldarinnar. Síðasta leikinn með liði Stólanna spilaði hann 18. maí 2003 en þá skoraði hann strax á 4. mínútu. Leikurinn endaði hins vegar 6-2 fyrir Húsvíkingum og Snorri Geir Snorrason fékk að líta rauða spjaldið seint í leiknum.
Í síðasta leik Stólanna haustið áður var farið á Selfoss og börðust liðin um fimmta sætið í 2. deildinni. Árni Geir fékk gult spjald á fyrstu mínútu en Björn Ingi Óskarsson kom Stólunum yfir um miðjan fyrri hálfleik. Selfyssingar jöfnuðu fyrir hlé en á 63. mínútu fékk hinn dagfarsprúði Sveinbjörn Jón Ásgrímsson að líta rauða spjaldið og Árni Geir sömuleiðis stundarfjórðungi fyrir leikslok. Selfyssingar gerðu síðan tvö mörk í blálokin og tryggðu sér fimmta sætið.
Magnað hvað dómararnir hafa verið með stuttan þráð þarna í byrjun aldar...
Fleiri fréttir
-
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.