Skagafjörður

Akrahreppur og Svf. Skagafjörður sameinuðust sem kunnugt er í kosningum þann 19. febrúar síðastliðinn en síðan hefur lítil farið fyrir umræðu um framhaldið í væntanlegri sameiningu. Feykir hafði samband við Sigfús Inga Sigfússon, sveitarstjóra Svf. Skagafjarðar, og spurði hann hvað væri framundan. „Næstu skref eru að bæði sveitarfélög skipa 2-3 einstaklinga hvort um sig í undirbúningsstjórn. Sú stjórn hefur nokkur verkefni, m.a. að semja samþykkt um stjórn og fundarsköp hinnar nýju sveitarstjórnar sem mun gilda fyrir nýtt sveitarfélag þar til því hefur verið sett sérstök samþykkt,“ segir Sigfús Ingi.

Íbúum Reykjavíkurborgar fjölgaði um 302 íbúa á tímabilinu frá 1. desember 2021 til 1. mars 2022 og íbúum Hafnarfjarðarkaupstaðar fjölgaði um 106 íbúa á sama tímabili. Íbúum Akureyrarbæjar fjölgaði á þessu tímabili um 56. og í Reykjanesbæ hefur fjölgað nokkuð hressilega á umræddu tímabili eða um 120 íbúa tímabilinu. Fækkun varð um 37 íbúa á Norðurlandi vestra.

Það er óhugnalegt til þess að hugsa, og jafnframt afar þungbært, að loks þegar við sjáum fyrir endann á þeim heimsfaraldri sem hefur haldið jarðarbúum í nokkurs konar heljargreipum í tvö ár með öllum þeim gríðarmiklu mannfórnum og efnahagsþrengingum sem honum fylgir, skuli heimsbyggðin svo vakna upp við þann vonda raunveruleika að stríð sé skollið á í Evrópu.

Verkefninu LOFTBRÚ var hleypt af stokkunum síðla árs 2020 en í gegnum það öðlast íbúar dreifbýlisins á skilgreindum svæðum 40% afslátt fyrir sex flugleggi (þrjár ferðir fram og til baka) á ári. Í frétt á vef SSNV segir að þar sem ekki hafiverið reglubundið flug til Sauðárkróks í nokkurn tíma hafa íbúar Norðurlands vestra kannski ekki verið mjög meðvitaðir um að viss hluti svæðisins, póstnúmer 540 til 570, fellur undir skilgreinda fjarlægð frá höfuðborginni, sem gefur rétt til þess að nýta sér afsláttarkjör Loftbrúarinnar.

Á heimasíðu Svf. Skagafjarðar er biðlað til foreldra um að halda börnum sínum heima ef þeir mögulega geta en eins og kunnugt er er talið að veikindi vegna Covid-19 nái hámarki á næstu tveimur vikum. „Á Sauðárkróki eru mikil veikindi og fjölmargir starfsmenn fyrirtækja og stofnana heima vegna þeirra. Leikskólinn Ársalir er engin undantekning þar á,“ segir í fréttinni.

Það voru kannski óvenju fáar heimsóknir í Nýprent og Feyki þennan öskudaginn enda sjálfsagt óvenju margir að basla með Covid og aðra kvilla þessa fyrstu daga eftir tilslakanir. Það voru þó nokkrir kátir krakkahópar sem litu við, flestir í skrautlegri kantinum, og þáðu pínu nammi fyrir söng. Inn poppaði brúðarmær, pizzasneið, ruslapokar, jólasveinar, bófar og beinagrindur, fáeinir hundar, prinsessur, Harry Potter og nokkrar kökusneiðar með logandi kertum svo eitthvað sé nefnt.

Kvennalið Tindastóls mætti í Kennaraháskólann í Reykjavík í gærkvöldi þar sem lið Ármanns bauð upp á smá kennslustund í körfubolta. Lið Ármanns hefur spilað glimrandi vel í vetur og trónir á toppi 1. deildar kvenna en liðið hefur aðeins tapað tveimur leikjum á tímabilinu. Þær náðu strax undirtökunum gegn Stólastúlkum sem börðust þó fyrir sínu en niðurstaðan varð 82-59 fyrir heimastúlkur.

Fyrstu menntabúðir björgunarfólks voru haldnar í Varmahlíð laugardaginn 26. febrúar síðastliðinn þar sem um sextíu manns frá 15 félögum tóku þátt en nokkur forföll urðu á síðustu stundu vegna veikinda.

Hver dásemdardagurinn rekur annan þessa vikuna þar sem bolludagur var í gær, sprengidagur í dag og svo öskudagur á morgun með öllum þeim söng og nammi sem honum fylgir. En því miður eru einhverjir krakkar sem ekki komast í bæinn sökum veikinda þar sem Cóvidið herjar á mörgum heimilum en gætu samt fengið sinn skerf af gotteríi.

Mottumars, árlegt árvekni- og fjáröflunarátak Krabbameinsfélagsins tileinkað baráttunni gegn krabbameinum hjá körlum, hefst í dag 1. mars. „Í Mottumars tökum við höndum saman í vitundarvakningu um krabbamein hjá körlum og öflum fjár fyrir mikilvægri starfsemi Krabbameinsfélagsins. Í ár minnum við karlmenn sérstaklega á að kynna sér hvaða einkenni geta bent til krabbameins og hvetjum þá til að leita fljótt til læknis verði þeir varir við þau einkenni,“ segir í tilkynningu frá félaginu.