Öskudagsfjörið fært heim að dyrum veikra barna
Hver dásemdardagurinn rekur annan þessa vikuna þar sem bolludagur var í gær, sprengidagur í dag og svo öskudagur á morgun með öllum þeim söng og nammi sem honum fylgir. En því miður eru einhverjir krakkar sem ekki komast í bæinn sökum veikinda þar sem Cóvidið herjar á mörgum heimilum en gætu samt fengið sinn skerf af gotteríi.
Soffía Helga Valsdóttir á Sauðárkróki vakti athygli á því á Facebookhópnum Foreldrar í Skagafirði að einhverjir myndu missa af öllu fjörinu en henni og Maríu Dröfn Guðnadóttur, vinkonu hennar, datt í hug að taka saman lista yfir þá sem komast ekki út úr húsi, safna saman öskudagsgjöfum hjá fyrirtækjunum og koma þeim til þeirra sem eru fastir heima. „Þá geta þau allavega dressað sig upp, sungið einu sinni og fengið glaðning fyrir.“
Úr varð hópur á Facebook, Heima Öskudagur á Sauðárkróki, þar sem fólk getur skráð börnin sem ekki komast í fyrirtækjaheimsóknir og fá þau þá heimsókn á morgun og fengið öskudagsglaðning í staðinn fyrir söng. Þau fyrirtæki sem vilja taka þátt í þessu verðuga verkefni eru beðin um að láta vita á síðunni og þá mun einhver líta við og koma gotteríinu á réttan stað.
Þetta framtak fær afar góðar móttökur á síðu foreldra í Skagafirði og ljóst að það mun gleðja marga krakka sem nú eru heima í einangrun.
Sjá nánar HÉR
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.