Skagafjörður

Ísak Óli Traustason (UMSS) var um helgina krýndur Íslandsmeistari í sjöþraut karla á Meistaramóti Íslands í fjölþrautum. Hann hlaut alls 5074 stig og er þetta í fimmta sinn sem Ísak verður Íslandsmeistari í greininni.

Ríkisskattstjóra hefur verið falið að koma fram skiptum eða slitum á þeim lögaðilum sem ber að skrá raunverulega eigendur en hafa vanrækt skráningarskyldu samkvæmt lögunum. Á heimasíðu Skattsins kemur fram að fyrirhugað sé að krefjast skipta eða slita á þessum lögaðilum fyrir dómi og eru yfir 20 þeirra á Norðurlandi vestra.

Gerðar hafa verið viðamiklar breytingar á þjónustu og umsýslu er varðar barnavernd á Íslandi sem tóku gildi þann 1. janúar sl. Breytingarnar felast fyrst og fremst í því að þjónustusvæði einstakra barnaverndarþjónustu hafa verið skilgreind að nýju og er nú áskilið að á bak við hverja barnaverndarþjónustu skuli vera 6000 íbúar að lágmarki.

Sykurmolinn kallast lagakeppni sem fram fer á útvarpsstöðinni X977 en þar fá óþekktir tónlistarmenn tækifæri til að láta ljós sitt skína og koma sér á framfæri. Keppt er bæði í kvenna- og karlaflokki og að þessu sinni á einn Króksari lag í keppninni. Það er Inga Birna Friðjónsdóttir, sem kallar sig Blankiflúr, en hún er með lagið Modular Heart í keppninni ásamt samstarfsmanni sínum, Stefáni Erni Gunnlaugssyni sem kallar sig Jerald Copp.

Uppskeruhátíð íþróttafólks í Skagafirði fór fram þann 28. desember sl. þar sem veitt voru verðlaun og viðurkenningar fyrir góðan árangur, ástundun og framfarir á árinu sem nú er nýlokið auk þess sem hvatningarverðlaun UMSS voru veitt fyrir tvö árin á undan, sem ekki hafði verið framkvæmt vegna Covid-takmarkana.

Körfuknattleiksdeild Tindastóls gekk í dag frá samningi við Pavel Ermolinskij um að hann taki nú þegar við sem þjálfari meistaraflokks karla. Pavel er einn sigursælasti leikmaður sem íslenskur körfuknattleikur hefur nokkurn tíma átt. Hann byrjaði enda snemma og lék fyrsta leik sinn í úrvalsdeild KKÍ með ÍA árið 1998, þá aðeins ellefu ára gamall. Það er væntanlega met sem seint eða aldrei verður slegið!

Það er útlit fyrir hið álitlegasta veður um helgina, stilltu og fallegu en það er vissara að klæða sig vel ætli fólk út undir bert loft því hitastigið gæti nálgast mínus 20 gráðurnar. Það eru örugglega margir sem hugsa sér gott til glóðarinnar (!) og hyggjast smella á sig skíðum og renna sér í Tindastólnum.

Skagafjörður óskar eftir að ráða drífandi og framsýnan leiðtoga í starf sviðsstjóra fjölskyldusviðs. Fjölskyldusvið Skagafjarðar samanstendur af þremur meginstoðum sem starfa samþætt; félagsþjónustu, frístundaþjónustu og fræðsluþjónustu, ásamt öflugri stoðþjónustu sérfræðinga sem vinna þvert á sviðið.

Enn er talað um hefðbundin kvenna- eða karlastörf þó þær skilgreiningar séu hverfandi eftir árangursríkar aðgerðir með það að markmiði að brjóta niður úreltar hugmyndir um slíkt. Ungu kynslóðinni var t.d. bent á það í átaki fyrir fáum árum að allar leiðir væru færar í námi og starfi fyrir bæði kynin.

Í haust tilkynnti Áslaug Arna Sigurbjörnsdóttir, háskóla-, iðnaðar- og nýsköpunarráðherra, um að settur yrði á laggir tveggja milljarða króna sjóð sem ætlað er að ýta undir öflugt samstarf allra háskóla á Íslandi. Sjóðinum yrði úthlutað í tveimur umferðum með einum milljarði í hvorri umferð. Alls bárust 48 umsóknir í sjóðinn fyrir 2.858 m.kr. í fyrri umferðinni og áttu allir sjö háskólarnir á Íslandi umsóknir í sjóðnum. Háskólinn á Hólum sendi inn sex umsóknir og var samstarfsaðili í öðrum ellefu umsóknum.