Vilja hefja framkvæmdir við Fljótagöng árið 2026
Umhverfis- og samgöngunefnd Alþingis kom saman til fundar í dag vegna þess alvarlega ástands sem skapast hefur á Siglufjarðarvegi. TIl fundarins voru boðaðir fulltrúar Skagafjarðar, Fjallabyggðar og Vegagerðarinnar. Niðurstaða fundarins var að markmiðið verði að gerð jarðganga undir Siglufjarðarskarð geti hafist árið 2026 og verkinu ljúki á fjórum árum.
Nefndin telur brýnt að flýta undirbúningi jarðganga undir Siglufjarðarskarð og tryggja um leið öryggi vegfarenda fyrir Tröllaskaga. Verkefni nefndarinnar sé því að meta hvernig hægt sé að hraða undirbúningi Fljótaganga sem kæmu í stað Siglufjarðarvegar. Farið verði strax í rannsóknir sem ljúka þurfi fyrir veturinn, þá þurfi að ljúka mati á umhverfisáhrifum, ákveða veglínur að göngunum og fleira.
RÚV hefur eftir Bjarna Jónssyni, formanni nefndarinnar, að samstaða sé um að bregðast hratt við og þar þurfi margt að koma til. „Mér heyrist að það sé fullur hugur. Ég heyrði líka innviðaráðherra lýsa því yfir að hún vildi flýtimeðferð og það er það sem ég tek heilshugar undir. Að sama skapi verðum við þá að tryggja tímalínu varðandi fjármögnun verkefnisins, og þar er nokkuð sem við verðum að taka á við uppfærslu á tillögu að samgönguáætlun.“
Sannarlega ánægjuleg þróun mála.
Fleiri fréttir
-
Rjúpnaveiðitímabilið að hefjast
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.45Rjúpnaveiðitímabilið hefst þann 25. október 2024 nk. og er veiði heimil föstudaga til þriðjudaga (báðir dagar meðtaldir) innan veiðitímabils. Því er ekki heimilt að veiða miðvikudaga og fimmtudaga.Meira -
Kynningarfundur Target Cicurlar - áhrifaríkar sjálfbærniaðgerðir og auðveldari ákvarðanataka
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 12.25Verkefnið Target Circular stendur fyrir kynningarviðburði á stefnumótunaraðferð fyrir frumkvöðla og fyrirtæki á Gránu, Sauðárkróki, miðvikudaginn 23. Október og hefst viðburðurinn klukkan 10:30. Kallað er eftir þátttöku frá ráðgjöfum um allt land sem veita aðstoð til frumkvöðla og fyrirtækja.Meira -
Hver er maðurinn og hvað vill hann upp á dekk? | Björn Bjarki Þorsteinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.10.2024 kl. 12.10Á fjölmennu kjördæmisþingi Sjálfstæðismanna sunnudaginn 20. október sl. hlaut undirritaður kosningu í 2. sæti á framboðslista Sjálfstæðisflokksins í Norðvesturkjördæmi fyrir Alþingiskosningar sem fram fara þann 30. nóvember 2024. Fyrir þann stuðning er ég afar þakklátur og mun nálgast komandi verkefni bæði af auðmýkt en ekki síður metnaði fyrir hönd kjördæmisins alls.Meira -
Ragnhildur og Sigurður ráðin til Eims
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 10.52Eimur hefur ráðið Ragnhildi Friðriksdóttur og Sigurð Líndal Þórisson sem verkefnastjóra félagsins á Norðurlandi vestra. Þetta kemur fram í fréttatilkynningu frá Eimi.Meira -
Fullt út úr dyrum í útgáfufögnuðinum hjá Magnúsi
feykir.is Skagafjörður, Austur-Húnavatnssýsla, Vestur-Húnavatnssýsla 22.10.2024 kl. 10.44Feykir sagði frá því um helgina að í tilefni útkomu bókarinnar Öxin, Agnes og Friðrik eftir Magnús Ólafsson á Sveinsstöðum yrði haldin útgáfuhátíð í Reykjavík í gær. Það er skemmst frá því að segja að það var fullt út úr dyrum í Penninn Eymundsson í Austurstræti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.