Ragnhildur og Sigurður ráðin til Eims
Eimur hefur ráðið Ragnhildi Friðriksdóttur og Sigurð Líndal Þórisson sem verkefnastjóra félagsins á Norðurlandi vestra. Þetta kemur fram í fréttatilkynningu frá Eimi.
Ragnhildur býr yfir mikilli reynslu á innlendum og erlendum vettvangi. Hún hefur unnið við fjölbreytt verkefni tengd sjálfbærni, nýsköpun, auðlindanýtingu, byggðaþróun og sjávarútveg, bæði fyrir stofnanir og félagasamtök á borð við Matís og World Wildlife Fund (WWF) í Þýskalandi og býr yfir víðtækri reynslu í að leiða rannsóknir, fræðsluverkefni og samræmingu við fjölbreytta hagaðila á sviði umhverfismála.
Ragnhildur er með MSc. gráðu í umhverfis- og auðlindafræðum sjávar frá University of York á Englandi og BSc. í líffræði frá Háskóla Íslands. Ragnhildur býr yfir mikilli þekkingu á sjávarvistkerfum og áhrifum loftslagsbreytinga á samfélög og náttúru. Hún hefur jafnframt tekið þátt í stefnumótun og verkefnum tengdum innleiðingu á Evrópureglugerðum í málefnum hafsins.
Áður starfaði Ragnhildur hjá Byggðastofnun þar sem hún var hafði umsjón með verkefnum í tengslum við atvinnu- og byggðaþróun, auk þess að sinna umhverfis- og loftslagsverkefnum stofnunarinnar.
,,Ég er þakklát fyrir að fá þetta tækifæri til að nýta þekkingu mína og reynslu í þágu samfélags og atvinnulífs á Norðurlandi. Landshlutinn á heilmikið inni þegar kemur að nýsköpun, atvinnuþróun og auðlindanýtingu og það á ekki síst við um Norðurland vestra, mína heimabyggð, sem nú er hluti af starfssvæði Eims. Ég hlakka mikið til að vinna með öflugu teymi Eims að því að móta spennandi verkefni á svæðinu og virkja með þeim þann kraft og hugvit sem býr í fólki, fyrirtækjum og auðlindum hér allt í kringum okkur”,segir Ragnhildur Friðriksdóttir.
Ragnildur hefur störf þann 1. nóvember næstkomandi
Sigurður býr yfir víðtækri reynslu á sviðum lista, menningar, byggðaþróunar og stefnumótunar, auk stafrænna viðskipta. Hann hefur starfað sem framkvæmdastjóri Selaseturs Íslands, verkefnastjóri Sterkra Stranda á Vestfjörðum og gegnt ábyrgðarmiklum stöðum hjá alþjóðlegum fyrirtækjum eins og Expedia.
Sigurður er með MA-gráðu í menningarstefnumótun og stjórnun frá Birkbeck College, University of London, auk leikaraprófs frá Arts Educational London School of Drama. Með þessu bakgrunni hefur hann verið leiðandi á ýmsum sviðum og tekið þátt í stjórnarstörfum á Norðurlandi vestra og verið virkur í samfélagsstörfum.
Sigurður mun hefja störf á Norðurlandi vestra í byrjun janúar 2025.
„Við erum gríðarlega heppin að fá þetta öfluga fólks til liðs við okkur hjá Eimi. Með þeim kemur áhersla á þróun nýrra verkefna á Norðurlandi vestra sem snúa að orkuskiptum í samfélagi og atvinnulífi og eflingu hringrásarhagkerfis á svæðinu. Jafnframt efla ráðningarnar samstarf yfir Tröllaskagann sem verður Norðurlandi öllu til mikilla hagsbóta. Við bjóðum þau hjartanlega velkomin í hópinn”, segir Ottó Elíasson, framkvæmdastjóri hjá Eimi.
Eimur er samstarfsverkefni um bætta nýtingu auðlinda og aukna græna nýsköpun á Norðurlandi. Að verkefninu standa Landsvirkjun, Norðurorka, Orkuveita Húsavíkur, Samtök sveitarfélaga á Norðurlandi vestra, Samtök sveitarfélaga og atvinnuþróunar á Norðurlandi eystra og Umhverfis-, orku- og loftslagsráðuneytið.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.