Stólastúlkur sóttu sætan sigur í naglbít í Njarðvík
Stólastúlkur gerðu heldur betur góða ferð í Njarðvík í gær en þar mættu stelpurnar liði heimastúlkna í fyrsta leik þeirra í glæsilegri nýrri IceMar-höll. Leikurinn var jafn og spennandi allan tímann, liðin náðu af og til smá áhlaupum en andstæðingurinn svaraði jafnan fyrir sig skömmu síðar. Sigurkarfa Tindastóls kom 10 sekúndum fyrir leikslok þegar Oumoul Sarr kom boltanum í körfuna eftir skrítna sókn en síðan stóðu stelpurnar vörnina vel á lokasekúndunum og uppskáru eins stigs sigur, 76-77.
Leikurinn var jafn frá fyrstu mínútu og skiptust liðin á um að hafa forystuna. Mest náðu Stólastúlkur fjögurra stiga forystu, 10-14, en jafnt var að leikhlutanum loknum, 22-22. Áfram hélt baráttan í öðrum leikhluta sem Njarðvíkingar byrjuðu betur. Í stöðunni 29-24 tók Israel Martin leikhlé sem skilaði síðan 8-0 kafla. Þegar þrjár mínútur voru til hálfleiks skilaði þristur frá Emmu Katrínu liði Tindastóls fjögurra stiga forystu, 33-37, en það var einmitt munurinn í hálfleik. Staðan þá 37-41.
Lið Tindastóls hélt frumkvæðinu fram í miðjan þriðja leikhluta en í stöðunni 42-48 skrúfaðist fyrir stigaskorið hjá gestunum og Njarðvíkurliðið gerði tólf stig í röð. Emma braut ísinn með ágætri körfu fyrir Tindastól og skömmu síðar var allt orðið jafnt á ný. Sarr jafnaði metin á lokasekúndu leikhlutans og staðan 56-56 fyrir lokaátökin. Lið Njarðvíkur var skrefinu á undan fyrstu mínúturnar í fjórða leikhluta en komst níu stigum yfir, 67-58, þegar sex mínútur voru til leiksloka.
Gestirnir voru ekki á því að gefast upp og Randi Brown, sem var frábær í leiknum, skellti í þrist en Sara Logadóttir svaraði að bragði eins og hún á kyn til. Þá komu tveir þristar á sömu mínútunni frá Klöru Sólveigu og staðan 70-67. Heimastúlkur héldu 3-5 forystu og staðan var 74-69 þegar rétt rúmar tvær mínútur voru til leiksloka. Þá komu tveir þristar frá Randi og gestirnir komnir yfir. Brittany Dinkins setti niður tvö víti fyrir Njarðvík og næstu sóknir liðanna fóru forgörðum. En sem fyrr segir kom Sarr til bjargar, náði frákasti undir körfu Njarðvíkur eftir skot frá Ingu Sólveigu, losaði sig við varnarmann með góðri hreyfingu og setti boltann í körfuna. Njarðvíkingar tók leikhlé fyrir sína lokasókn og uppskáru opið skot frá Láru Ösp, það geigaði og eftir mikla baráttu um boltann undir körfunni rann leiktíminn út og Stólastúlkur fögnuðu kampakátar góðum sigri.
Stigahæst í liði Tindastóls var Randi Brown með 32 stig og Sarr gerði 18 stig. Allar skiluðu stelpurnar sínu, bæði í sókn og vörn, og baráttuandinn og seiglan var til algjörrar fyrirmyndar. Klara Sólveig og Paula gerðu báðar níu stig en Klara var með þrjá þrista í leiknum í níu tilraunum en eins og sönn skytta þá var hún ekki feimin við að skjóta þó illa gengi og uppskar tvo hrikalega mikilvæga á lokakaflanum.
Næsti leikur er í Síkinu 22. október en þá kemur lið Vals í heimsókn en síðan virðast fylgja í kjölfarið fjórir útileikir. Fyrsti leikurinn í þeirri runu er á Akureyri – það verður eitthvað.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.