Vortónleikar Mótettukórsins í Blönduóskirkju
Mótettukór Hallgrímskirkju gerir víðreist um landið dagana 4. - 7. júní í kjölfar tónleika sinna í Hallgrímskirkju á annan í hvítasunnu. Tónleikar verða haldnir á AIM-hátíðinni á Akureyri þann 4. júní kl. 20.30, í Blönduóskirkju 5. júní kl. 20.00, í Stykkishólmskirkju 6. júní kl. 17.00 og í Reykholtskirkju 7. júní kl. 16.00. Tónleikarnir í Stykkishólmi, í Reykholti og á Blönduósi eru til styrktar orgelsjóðum kirknanna. Stjórnandi er Hörður Áskelsson, söngmálastjóri þjóðkirkjunnar.
Veigamesta verkið á efnisskrá tónleikanna er Messa fyrir tvo kóra án undirleiks eftir Svisslendinginn Frank Martin (1890–1974). Martin hreifst ungur af tónlist Bachs og samdi undir áhrifum frá honum. Síðar hóf hann tilraunir með framandi tónmál og hryn í leitinni að sínu eigin tónmáli, sem segja má að einkennist af sérstakri hljómrænu. Á tímum tilraunanna samdi Martin sitt frægasta verk, Messu fyrir tvo kóra (1922–1926), en stakk því ofan í skúffu þar sem það fékk að hvíla næstum 40 ár áður en tónskáldinu fannst kominn tími til að leyfa öðrum að njóta þess og allar götur síðan hefur það hljómað oft og víða. Messa fyrir tvo kóra er sannarlega með fegurstu og mest krefjandi kórverkum, þar sem saman fléttast einfaldar laglínur og flóknir, framandi hljómar.
Auk messu Martins verða flutt verk af geisladisknum Ljósið þitt lýsi mér sem kórinn gaf út nýverið og inniheldur 17 íslensk kórverk, bæði gömul og ný. Má þar nefna nýja kórútfærslu á sönglagi Jóns Leifs Vertu Guð faðir, faðir minn, Ave María eftir Hjálmar H. Ragnarsson og verk eftir Huga Guðmundsson, Önnu S. Þorvaldsdóttur, Báru Grímsdóttur, Tryggva M. Baldvinsson, Jón Hlöðver Áskelsson og Smára Ólason. Með kórnum í för verður kvikmyndagerðarmaður sem festa mun ferðalagið á filmu í heimildaskyni.
Miðasala fer fram við innganginn og miðaverð er 1500 krónur. Upplýsingar má einnig finna á listvinafelag.is og motettukor.is.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.