Vorkomumót Viðvíkursveitar
Á skírdag verður haldið að Narfastöðum í Skagafirði svokallað Vorkomumót Viðvíkursveitar þar sem bestu gæðingum héraðsins verður stefnt á keppnisbrautina. Keppt verður í tölti, þrígangi og símareið.
Töltið og þrígangurinn eru hefðbundnar greinar en símareiðin er að sögn keppnishaldara hið eiginlega slaktaumatölt þar sem keppendur leysa ýmsar skemmtilegar þrautir í hnakknum.
Um liðakeppnin er að ræða þar sem þrír eru í hverju liði og þær reglur gilda að kynjahlutföll mega einungis vera 33,33..% á móti 66,66..% með þeirri undantekningu þó að ef þrír karlmenn eru í sama liði skal a.m.k. einn keppa í kjól en ein kona í kjólfötum veljist þrjár saman í lið. A.m.k. 12 lið hafa boðað þátttöku á mótið en þau ein hafa keppnisrétt sem hafa lögheimili og varnarþing í Viðvíkursveitinni.
Að keppni lokinni verða verðlaunaveitingar og grillveisla og meðal vinninga er gisting á Fjalli í Kolbeinsdal, gelding (ekki skilgreint sérstaklega fyrir hvaða dýrategund), skaufaþvottur (sömu athugasemdir og síðast), girðingastaurar, kartöflur, járning og ýmislegt fleira.
Að sögn keppnishaldara verður þetta stórveisla fyrir augað þar sem bestu gæðingar héraðsins mæta enda allir meira og minna upprunnir úr Viðvíkursveitinni.
Keppnin hefst klukkan 16 að staðartíma og eru allir velkomnir.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.