Vilja leikskólabyggingu á ís
Páll Dagbjartsson, fulltrúi sjálfstæðismanna í Byggðaráði Skagafjarðar, segist vilja sjá byggingu leikskóla við Árkíl setta á ís þangað til í það minnsta í haust og hætta um leið við allar lántökur vegna byggingarinnar.
Á fundi byggðarráðs nýverið veitti ráðið sveitarstjóra heimild til að ganga frá lántöku hjá Lánasjóði sveitarfélaga. Sveitarstjóri og fjármálastjóri hafa verið að kanna hvort sveitarfélaginu bjóðist mögulega hagstæðari lánskjör annars staðar á láni af þessari stærðargráðu. Var lauslega frá því greint þegar heimildin var veitt. Virðist nú sem sveitarfélaginu bjóðist möguleg lánskjör sem eru hagstæðari en það sem Lánasjóðurinn getur boðið. Því hefur byggðaráð ákveðið að veita sveitarstjóra heimild til semja um lántöku við annan aðila en Lánasjóð sveitarfélaga um allt að 150 millj. króna, sé það mat hans, að höfðu samráði við endurskoðanda, að boðin séu hagstæðari lánskjör.
Ítrekaði Páll á fundinum fyrri bókanir fulltrúa Sjálfstæðisflokksins sem telja sveitarfélagið ekki ráða við auknar lántökur við óbreyttar aðstæður. Í bókun Gísla Árnasonar frá því fyrr í mánuðinum kemur fram að Gísli meti skýrslu endurskoða á þann veg að uppi séu hættumerki og því ætti sveitarfélagið ekki að fara út í frekari lántökur að svo komnu máli.
-Við erum á þannig tímum núna að gengi krónu og vaxtastig er vægast sagt bágborið. Við teljum alla möguleika til þess að ástandið eigi eftir að batna á lánamörkuðum á næstu misserum og teljum því skynsamlegra að bíða með framkvæmdina, segir Páll í samtali við Feyki.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.