Undirbúningsfundur fyrir bændamarkað
Miðvikudaginn 10. júní, kl. 17, á að halda undirbúningsfund vegna fyrirhugaðs bændamarkaðs sem mun fara fram við Grettisból á Laugarbakka í sumar. Fundurinn verður í Grettisbóli.
Á fundinum verður m.a. farið lauslega yfir reglur varðandi heimaframleiðslu. Rætt verður um fyrirkomulag markaðsins, eins og opnunartíma, kostnað fyrir þátttakendur, hugmyndir um yfirbragð, og fleira sem áhugasömum dettur í hug.
Þá mun Guðrún Brynleifsdóttir segja frá verkefninu „Matarkistan Skagafjörður“, en hún hefur haldið utan um það og þróað í langan tíma.
Markaðurinn er kjörinn vettvangur til að auka tekjur, breyta til, kynna héraðið – það er mikilvægt að hann blómstri og verði sem skemmtilegastur. Nú þegar er búið að móta þetta tilraunaverkefni talsvert, en framkvæmdin stendur og fellur með þeim sem koma til að selja vörur.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.