Þrjú prósent treysta þeim
Það eru bara 2,7 prósent Íslendinga sem treysta ríkisstjórninni að öllu leyti til þess að gæta hagsmuna þjóðarinnar í umsóknarferlinu um aðild Íslands að Evrópusambandinu. Þetta er niðurstaða skoðanakönnunar Capacents, sem unnin var fyrir Bændasamtökin. Þessi niðurstaða getur ekki verið neitt minna en hreint áfall fyrir stjórnvöld, sem nú eru lögð af stað í mikinn leiðangur á fund ESB með samningsumboð frá flokkum sínum. Þetta er í rauninni vantraustsyfirlýsing á hendur ríkisstjórninni og megn vantrú á að hagsmuna þjóðarinnar verði gætt í samskiptum við erlend stjórnvöld.
Til þess að allrar sanngirni sé gætt, þá skal tekið fram að 8,5% treysta stjórninni síðan mjög vel í þessum efnum, en 15,6% frekar vel. Sem sagt einvörðungu um fjórðungur lýsir yfirhöfuð nokkru trausti á ríkisstjórnina þegar spurt er hvort hún muni gæta þjóðarhags í þessum samningum. Jafnvel þó þessar tölur séu taldar ríkisstjórninni að fullu til tekna, þá er niðurstaðan afgerandi. Það ríkir algjör vantrú hjá almenningi á að ríkisstjórnin gæti þjóðarhags í mikilvægum samningum, þar sem vélað er um þýðingarmestu hagsmuni okkar.
Það er í rauninni merkilegt hve þessar fréttir úr skoðanakönnun Capacents hafa litla athygli vakið. Könnunin er gerð þegar þjóðin er mjög vel meðvituð um hina hraklegu frammistöðu stjórnvalda í Icesavemálinu. Niðurstöðu könnunarinnar verðum við því að skoða sem einn risastóran áfellisdóm almennt, um tiltrú almennings á ríkisstjórninni, þegar kemur að því að gæta hagsmuna þjóðarinnar gagnvart öðrum þjóðum.
Skiptar skoðanir eru alltaf um verk og áform ríkisstjórna í einstökum málum. En þegar svona er spurt þá gegnir öðru máli. Fyrirfram gefa menn sér að efst í huga allra ríkisstjórna sé að gæta þjóðarhags og svo sannarlega hlýtur það að vaka fyrir lýðræðislegum stjórnvöldum á öllum tímum. En einmitt þess vegna eru það svo alvarleg skilaboð að almenningur hafi fullkomna vantrú á að núverandi stjórnvöld gæti þjóðarhags í samskiptum við aðrar þjóðir.
Sporin frá framgöngu ríkisstjórnarinnar hræða bersýnilega. Niðurstaða fólksins í landinu er ákaflega skýr og afdráttarlaus: Við treystum stjórnvöldum okkar EKKI til þess að gæta þjóðarhags í samskiptum við aðrar þjóðir, einmitt nú þegar mest ríður á.
Einar Kristinn Guðfinnsson, alþingismaður
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.