Það var ekkert gefins í Keflavíkinni
Það var léttur spaugur í gangi hér á Feyki.is þann 1. apríl síðastliðinn þess efnis að Keflvíkingar hefðu gefið leik sinn gegn Stólunum í úrslitakeppninni í körfubolta. Því miður var um aprílgabb að ræða því Keflvíkingar voru ekki á þeim buxunum að láta Stólunum eftir sæti í undanúrslitum þegar liðin mættust í Sláturhúsinu í Keflavík á skírdag. Stólarnir áttu erfitt uppdráttar í leiknum og að lokum unnu Suðurnesjakapparnir með 29 stiga mun, lokatölur 107-78.
Á heimasíðu Tindastóls segir að leikurinn var framan af nokkuð jafn, en Keflavík leiddi með nokkrum stigum eftir fyrsta leikhluta. Stólarnir jöfnuðu síðan leikinn í upphafi annars leikhluta í stöðunni 22 - 22. Þá hertu Keflvíkingar vörnina og skotin þeirra fóru að rúlla ofaní á meðan skot gestana rúlluðu frekar út af hringnum. Heimamenn leiddu með fjórtán stigum í hálfleik, staðan 49 - 35.
Keflavík kláraði síðan leikinn í þriðja leikhluta, unnu hann með 10 stigum og munurinn var orðinn 24 stig sem var óyfirstíganlegur fyrir gestina. Lokatölur urðu síðan 107 - 78.
Stigahæstir Tindastólsmanna voru Helgi Rafn með 24 stig og Cedric með 17. Of fáir leikmenn Tindastóls náðu sér á strik í leiknum og því fór sem fór.
Tímabilinu er því lokið hjá Stólunum og geta okkar menn þokkalega vel við unað. Takmark liðsins var að komast í úrslitakeppnina sem náðist þrátt fyrir bras framan af tímabilinu. Í úrslitakeppninni mættu Stólarnir síðan sterku Keflavíkurliði og náðu að sigra Suðurnesjadrengina hér í Síkinu og knýja fram oddaleik sem flestir hafa sennilega ekki átt von á, því Keflvíkingar höfðu farið illa með Stólana í fyrri viðureignum liðanna í vetur.
Stuðningsmenn Stólanna voru kátir að fá Cedric Isom til liðsins seinni part tímabilsins enda allt annað að hafa kana á Króknum sem gaman er að sjá spila körfubolta. Þá skilaði Visockis sínu vel en hann kom til liðsins á sama tíma og Isom.
Fleiri fréttir
-
Krakkarnir á Barnabóli á Skagaströnd glaðir með nýja útieldhúsið
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 09.51Í fréttaskoti sem Sveitarfélagið Skagaströnd sendi frá sér á dögunum var krúttleg frétt frá leikskólanum Barnaból á Skagaströnd. Fyrir stuttu síðan var nefnilega tekið í notkun nýtt og glæsilegt útieldhús sem hefur vakið mikla lukku hjá krökkunum. Foreldrafélag Barnabóls styrkti framkvæmdina og á það skilið miklar þakkir fyrir. Börnin hafa notið þess að leika sér í eldhúsinu í góða veðrinu sem hefur glatt Skagstrendinga síðustu misseri. Þá óskar leikskólinn eftir því að ef einhver á eldhúsáhöld sem gætu nýst í þessu fína eldhúsi fyrir krakkana þá tekur leikskólinn vel á móti slíkum búnaði.Meira -
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.