Tap gegn FH
Lið Tindastóls/Neista mætti FH í 1. deild kvenna í gærkvöldi og var spilað við fínar aðstæður á Sauðárkróksvelli. Óhætt er að segja að allt annar bragur var á leik heimastúlkna í gærkvöldi en gegn ÍBV á mánudaginn en engu að síður varð uppskeran rýr, 0-6 tap.
Leikurinn var nokkuð jafn framan af en gestirnir komust yfir eftir 11 mínútur og voru reyndar öll mörk FH í leiknum keimlík, boltinn sendur innfyrir vörn Tindastóls/Neista og eftirleikurinn ansi hreint auðveldur. FH komst svo í 0-2 eftir 26 mínútur og þær bættu tveimur mörkum við fyrir hlé. Heimastúlkur reyndu að sækja en gekk illa að skapa sér færi, náðu þó að skora en markið var dæmt af vegna rangstöðu.
FH byrjaði síðari hálfleikinn með leiftursókn og gerðu tvö mörk á fyrstu fimm mínútum hálfleiksins en þá skellti markvörður Tindastóls/Neista, Sigurbjörg Marteinsdóttir, í lás og fleiri mörk voru ekki gerð í leiknum þrátt fyrir nokkur ágæt tækifæri FH.
Lið Tindastóls/Neista var mun öflugra í gærkvöldi en í leiknum á móti ÍBV á dögunum. Þær mættu grimmari í tæklingar og var dugnaður stelpnanna til mikillar fyrirmyndar.
Heimild: Skagafjörður.com
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.