Sundlaugin á Hofsósi jólagjöfin í ár
Fréttablaðið og vísir.is fjalla í dag um byggingu sundlaugar á Hofsósi en bygging sundlaugarinnar er komin vel á veg. Samkvæmt Guðmundi Guðlaugssyni, sveitastjóra, er stefna á verklok undir næstu jól.
„Auðvitað fylgist maður með, ég býr hérna hinum megin við lækinn," segir Lilja Pálmadóttir. Lilja og aðrir íbúar á Hofsósi horfa nú með tilhlökkun í hjarta sínu á byggingu sem er að rísa, hina margumtöluðu og víðfrægu sundlaug sem þær stöllur gáfu. Sökkullinn er risinn og fyrstu myndir gefa ágætis hugmynd um hvers slags upplifun það verður að sitja í heitu pottunum og horfa yfir Skagafjörðinn og til Drangeyjar. Jafnvel geta hugmyndaríkir sundkappar ímyndað sér að þeir séu að þreyta Drangeyjarsund að hætti Grettis þegar þeir svamla um í 25 metra lauginni.
„Það var nú líka alltaf hugmyndin, að gera út á þetta magnaða útsýni og geta horft til Drangeyjar," segir Lilja.
Mikla athygli vakti þegar Lilja og Steinunn Jónsdóttir athafnakona gáfu íbúum á Hofsósi sundlaug á kvenréttindadaginn 19. júní árið 2007. Sigríður Steinþórsdóttir arkitekt teiknaði sundlaugina sem rís vestan við Staðarbjarg en innifalið í gjöfinni er vegleg þjónustumiðstöð.
Ekki dugði minna til en forsetahjónin, Ólaf Ragnar og Dorrit, til að taka fyrstu skóflustunguna að lauginni en sú athöfn fór fram í apríl á síðasta ári. Fyrstu steypubílarnir keyrðu í hlaðið strax um haustið en það fór víst um ansi marga íbúana í Skagafirðinum þegar bankarnir og efnahagskerfið brunnu yfir, einhverjir töldu nær öruggt að nú væri úti um sundið. Aldeilis ekki og Skagfirðingar eru ansi bjartsýnir á framhaldið.
„Samkvæmt áætlunum er ráðgert að sundlaugin verði klár um mánaðamótin október og nóvember," segir sveitarstjórinn Guðmundur í samtali við Fréttablaðið. Hann átti þó alveg eins von á að framkvæmdirnar gætu teygst fram í desember og að sundlaugin yrði þá jólagjöfin í ár. Í það minnsta í Skagafirði. - fgg
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.