Lára Sigurðardóttir söng sig inn á Samfés
feykir.is
Skagafjörður, Austur-Húnavatnssýsla, Vestur-Húnavatnssýsla
20.03.2025
kl. 13.38
Lára á sviðinu með sitt framlag. Mynd tekin af Facebook-síðu Félagsmiðstöðvarinnar Friðar.
Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.
Söngkeppnin var hin glæsilegasta og voru 14 atriði sem kepptu um fimm laus sæti sem gefa rétt til keppnis í aðalsöngkeppni Samfés sem fram fer í Laugardalshöll í maí n.k. Sú sem keppti fyrir hönd félagsmiðstöðvarinnar Friðar var Lára Sigurðardóttir sem er dóttir Önju Szafraniec og Sigurðar frá Ketu. Lára stóð sig gríðarlega vel og náði að tryggja sér eitt af þeim fimm sætum sem í boði voru og keppir því á Söngkeppni Samfés sem haldin verður í byrjun maí.
Að lokinni söngkeppni var slegið upp balli þar sem fram komu Dj Kurt Heisi og Spritzeroklan (SZK) og var stemmningin frábær hjá hópnum.
Félagsmiðstöðin Friður vill þakka Exton, KS, N1, Blóma og gjafabúðin, Árna Gunnars, Körfuboltadeild Tindastóls, Knattspyrnudeild Tindastóls, Eysteini Ívari Guðbrandssyni sem og sveitarfélaginu Skagafirði fyrir frábært samstarf og hjálp!
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.