Spaðadeild stofnuð innan Tindastóls
Aðalfundur Tindastóls var haldinn í síðustu viku á Kaffi Krók. Vel var mætt og var meðal annars samþykkt stofnun spaðadeildar Tindastóls sem gerir þeim sem vilja keppa í greinum eins og badminton, borðtennis eða skvassi að keppa undir merkjum félagsins.
Auk hefðbundinna aðalfundastarfa var tilkynnt um kjör á Íþróttamanni Tindastóls 2009 og kom hann í hlut Ísaks Einarssonar. En aðrir sem hlutu tilnefningu til Íþróttamanns Tindastóls 2009 voru Aðalsteinn Arnarson, Gauti Ásbjörnsson, Hugrún Magnúsdóttir og Sunneva Jónsdóttir.
Jóhann Sigmarsson hlaut starfsbikarinn sem veittur er fyrir fórnfúst og óeigingjarnt starf í þágu félagsins. Bikarinn var gefinn af Ómari Braga Stefánssyni á 100 ára afmæli félagsins.
Sigurbjörn Bogason færði fyrir hönd Sparisjóðs Skagafjarðar félaginu 1,5 mkr. styrk sem fer til barna og unglingastarfs deildanna.
Gunnar Þór Gestsson var einróma endurkjörinn formaður félagsins.
Kristjana Jónsdóttir fór úr stjórn en í hennar stað kom Bertína Guðrún Rodriguez. Aðrir í stjórn eru Elínborg Svavarsdóttir, Jón Daníel Jónsson og Magnús Helgason.
Þá var veittur styrkur úr minningarsjóði um Rúnar Inga Björnsson og hlutu að þessu sinni styrk 3. flokkur karla vegna æfinga og keppnisferðar og Svava Rún Ingimarsdóttir vegna þátttöku í mótum í nafni UMF Tindastóls.
Allar deildir Tindastóls hafa í dag jákvæða eiginfjárstöðu þrátt fyrir erfitt tíðarfar en vel er í dag haldið utanum fjármuni félagsins og rekstur.
Ítarlegri fundargerð og reikninga félagsins og einstakra deilda má finna á heimasíðu Tindastóls www.tindastoll.is“
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.