Risa körfuboltahelgi framundan - 50 leikmenn verða á ferðinni
Það er sannkölluð risakörfuboltahelgi framundan, þar sem barist verður á fjölmörgum vígstöðvum. Meistaraflokkur hefur rimmuna við Keflvíkinga í úrslitakeppninni á fimmtudag, unglingaflokkur getur tryggt sig inn í úrslitakeppnina, minnibolti stúlkna spilar í úrslitafjölliðamóti um Íslandsmeistaratitilinn og 7. og 10. flokkar drengja spila í sínum síðustu mótum í vetur í B-riðli.
Meistaraflokkur spilar sinn fyrsta leik við Keflvíkinga á fimmtudagskvöld og verður hann í Keflavík. Liðin leika svo aftur hér á Sauðárkróki á sunnudagskvöldið. Ef oddaleik þarf á milli liðanna verður hann leikinn á skírdag.
Unglingaflokkur karla á möguleika á því að tryggja sér sæti í úrslitakeppninni með sigri á ÍR-ingum á laugardaginn. Grindvíkingar unnu Keflavík um daginn eftir framlengingu og það voru akkúrat úrslitin sem þurfti til að opna á þennan möguleika fyrir strákana okkar. Tindastóll og Keflavík sítja nú jöfn í 4. og 5. sætinu með 20 stig, en Tindastóll á leik til góða gegn ÍR-ingum á laugardaginn og hefst leikurinn kl. 15.00.
Minnibolti stúlkna sigraði B-riðilinn í síðustu umferð og spila nú í síðasta móti vetrarins í A-riðli. Þetta síðasta mót er í leiðinni úrslitaumferðin um Íslandsmeistaratitilinn. Mótherjar þeirra verða KR, ÍR, Fjölnir og Keflavík. Þjálfari stúlknanna er Hrafnhildur Sonja Kristjánsdóttir og hefur hún náð athyglisverðum árangri með stelpurnar en lið þeirra er eingöngu skipað stúlkum úr einum árgangi, eða 6. bekk. Þar hefur orðið fjölgun í vetur og mikil stemning í herbúðum liðsins fyrir lokaumferðina.
10. flokkur drengja keppir hér heima í B-riðli. Árangur þeirra hefur verið góður í vetur, en aðeins þrír leikmenn eru úr 10. bekk í liðinu, restin eru strákar úr 9. flokki og jafnvel 8. flokki einnig. Þjálfari strákanna er Kári Marísson.
7. flokkur drengja keppir í B-riðli í Njarðvík. Hákon Már Bjarnason hefur tekið við þjálfun liðsins og þar á bæ ætla menn að standa sig í mótinu og ljúka síðustu umferðinni í Íslandsmótinu með stæl.
Það verður því af nægu að taka í körfuboltanum um helgina og búast má við að um 50 leikmenn verði á ferðinni.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.