Metaðsókn í Stólinn
Veturinn sem leið var skíðafólki í Tindastóli afar hagstæður hvað varðar færð og veður. Metaðsókn var á skíðasvæðið og framkvæmdahugur í mönnum fyrir komandi misseri.
Að sögn Viggós Jónssonar staðarhaldara á skíðasvæði Tindastóls komu 7263 gestir í vetur og er það fjölgun úr 5500 gestum árið áður.
Skíðasvæðið opnaði 30. október á síðasta ári og því var lokað þann 20. apríl s.l. en að sögn Viggós var það ekki vegna snjóleysis heldur hættir fólk að koma þegar svo langt er liðið á vorið. Viggó telur það skipta miklu að byrja fyrr á haustin og er stefnt að því næsta haust en þá verður reynt að fara í það að laga og jafnvel fjölga snjógirðingum.
Viggó segist sjá fyrir sér að skíðasvæðið verði með starfssemi á ársgrundvelli í framtíðinni og hefur skíðadeildin óskað eftir viðræðum við Sveitarfélagið Skagafjörð til að fara yfir stöðu mála á skíðasvæðinu.
-Það stendur starfseminni fyrir þrifum aðstöðuleysi en húsakostur er of lítill fyrir þá starfsemi sem á sér stað nú þegar,segir Viggó.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.