María Björk og Hilda Jana taka við stjórnartaumum N4
María Björk Ingvadóttir og Hilda Jana Gísladóttir hafa tekið við framkvæmdastjórn fjölmiðlafyrirtækisins N4. N4 rekur sjónvarp, Dagsskrá og framleiðsludeild á Akureyri en hjá fyrirtækinu starfa 17 manns.
Í fréttatilkynningu segir að þær hafi báðar unnið hjá fyrirtækinu um nokkurra ára skeið og í sameiningu stýrt N4 undanfarna tvo mánuði með mjög góðum árangri. María Björk er framkvæmda- og rekstrarstjóri og Hilda Jana framkvæmda- og sjónvarpsstjóri.
Ennfremur segir að N4 hafi lagt áherslu á að hafa jafnvægi í umfjöllun sinni milla karla og kvenna og að sögn Jóns Steindórs Árnasonar,formanns stjórnar N4, að með ráðningu kvennanna vilji stjórnin undirstrika kraft kvenna og trú á hæfni Hildu Jönu og Maríu Bjarkar og þykir stjórninni það sérstaklega við hæfi á þessu ári, þegar þess er minnst að 100 ár eru liðin frá því íslenskar konur fengu kosningarétt.
„Stefna N4 er metnaðarfull og miðar að því að bjóða áhorfendum sínum upp á vandað efni frá öllum landshlutum, auk þematengdra þátta eins og þátta um orkumál og málefni landbúnaðar og sjávarútvegs. Við vitum að fyrirtækið er í góðum höndum kvennanna tveggja,“ segir Jón Steindór.
María Björk hefur áralanga reynslu af starfi í fjölmiðlum, m.a. sem starfsmaður RÚV auk mikillar reynslu af rekstri á opinberum markaði og einkamarkaði. Áður en hún hóf störf hjá N4 var hún í allmörg ár sviðsstjóri yfir frístundum Svf. Skagafjarðar. Þar áður stofnaði hún og rak Kaffi Krók. María Björk er menntuð sem félagsráðgjafi.
Hilda Jana hefur starfað í fjölmiðlum síðustu 15 árin, m.a. sem fréttamaður á Aksjón, RÚV og Stöð 2. Frá árinu 2009 hefur hún starfað á N4 sem dagskrárstjóri og hefur átt drjúgan hlut í því að koma fyrirtækinu á þann stað sem það er í dag. Hún var árið 2014 tilnefnd til Edduverðlaunanna í flokki sjónvarpsmanns ársins og árið á undan var þáttasería sem hún gerði „Auðæfi hafsins“ tilnefnd til Edduverðlauna í flokki frétta- og viðtalsþátta ársins. Hilda Jana er kennaramenntuð frá Háskólanum á Akureyri.
Fleiri fréttir
-
Fjórir ungir og efnilegir semja við Kormák Hvöt
feykir.is Austur-Húnavatnssýsla, Íþróttir, Vestur-Húnavatnssýsla 03.01.2025 kl. 15.08Aðdáendasíða Kormáks hefur haft í nógu að snúast undarnfarnar vikur í að tilkynna hvaða ungu og efnilegu leikmenn eru búnir að skrifa undir hjá félaginu fyrir komandi átök í sumar. Fyrsti leikur verður spilaður á útivelli í byrjun maí eða þann 3. maí við KFA en fyrsti heimaleikurinn verður þann 10. maí á móti Gróttu á Blönduósvelli.Meira -
Gillon með ný lög á nýju ári
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 03.01.2025 kl. 11.06Út er komin rafræna smáskífan Rauða hjartað með Gillon. Hún inniheldur aukalagið Gyðjan brosir (2025) og er það endurgerð af áðurútgefnu lagi með Gillon, en ljóðið er eftir Geirlaug Magnússon og fengið úr bókinni N er aðeins bókstafur (2003).Meira -
Kjúklingapottréttur og bananaterta | Matgæðingur Feykis
feykir.is Skagafjörður, Í matinn er þetta helst, Lokað efni 03.01.2025 kl. 11.01Matgæðingur vikunnar í tbl 35 árið 2023 var Guðbjörg Ósk Valgarðsdóttir en hún er fædd og uppalin í Tunguhlíð í Lýtingsstaðahreppi og hefur alltaf átt heima í Skagafirðinum fyrir utan eitt ár er hún fór sem skiptinemi til Bandaríkjanna. Guðbjörg vinnur sem sérkennari við Fjölbrautaskóla Norðurlands vestra og á tvö börn, Hrafnhildi Ósk, fædd 2004, og Sæmund Inga sem er fæddur 2011. „Stundum finnst mér mjög gaman að elda og sæki frekar í eitthvað einfalt og þægilegt en alltaf finnst mér jafn leiðinlegt að ganga frá eftir matinn,“ segir Guðbjörg.Meira -
Kappi sem kann að opna hurðir | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 03.01.2025 kl. 10.00Kappa þekkja allir krakkar úr teiknimyndaseríunum um Hvolpasveitina frægu en hann Kappi sem Sigurjón Elís Gestsson á er blanda af Border collie og íslenskum fjárhundi. Sigurjón kallar Kappa stundum Kappaksturs Kappa eða Lilli húndúr. Þeir búa á Skagfirðingabrautinni á Króknum ásamt foreldrum Sigurjóns, Ernu Nielsen og Gesti Sigurjóns, og þrem systrum Sigurjóns þeim Eydísi Önnu, Brynju og Freyju. Sigurjón á einnig systur og bróður sem búa í Bandaríkjunum. Feyki langaði aðeins að forvitnast um þá vini Sigurjón og Kappa.Meira -
Styrktaræfing fyrir Öbbu
feykir.is Skagafjörður 03.01.2025 kl. 09.17Á morgun laugardaginn 4. janúar á slaginu kl. 10:00 verður styrktaræfing fyrir Öbbu (Valbjörgu Pálmarsdóttur) í Þreksport á Sauðárkróki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.