Arnar Geir vann Opna jólamót PKS
feykir.is
Skagafjörður, Austur-Húnavatnssýsla, Íþróttir, Vestur-Húnavatnssýsla
02.01.2025
kl. 14.32
Sigurvegarinn Arnar Geir ásamt Mike og Brynjari Snæ. Mynd tekin af Facebook-síðu PKS.
Opna Jólamót Pílukastfélags Skagafjarðar og FISK Seafood fór fram föstudaginn 27. desember 2024 og er þetta í þriðja skiptið sem þetta mót er haldið. Alls tóku 32 keppendur þátt og var keppnisfyrirkomulagið 501. Keppt var í átta fjögurra manna riðlum og að þeim loknum var farið í útslátt þannig að tveir efstu í öllum riðlum fóru í A útslátt og hinir tveir neðstu í B útslátt (forsetabikar). Mótið gekk ljómandi vel fyrir sig og voru margir hörkuleikir.
Úrslitin urðu að lokum þau að í A-úrslitum og þar með sigurvegari mótsins var Arnar Geir Hjartarson. Arnar Geir vann Mike Reinhold í svakalegum úrslitaleik 5/4 þar sem báðir voru að spila frábæra pílu og úrslitaleggurinn hjá þeim báðum var upp á 80 í meðaltali. Í þriðja sæti var síðan Brynjar Snær Halldórsson en hann vann Þröst Kárason. Í B-úrslitum vann Hlynur Freyr Einarsson nafna sinn Hlyn Hallbjörnsson um fyrsta sætið. Í þriðja sæti varð síðan Einar Gíslason er hann vann Fannar Örn Kolbeinsson. Þá voru einnig veitt verðlaun fyrir fyrstu 180 mótsins og það var Júlíus Helgi Bjarnason sem náði því strax í annarri heimsókn í fyrsta leik. Hæsta útskot mótsins átti Heiðar Örn Stefánsson en það var upp á 111 stig.
Gaman er að segja frá því að nýlega fagnaði Pílukastfélag Skagafjarðar 2ja ára afmæli sínu en stofndagurinn var þann 16. desember 2022. Á þessum stutta tíma hefur félagið vaxið og dafnað og er mikill áhugi á íþróttinni í héraðinu. Á þessum tíma hefur félagið notið mikillar velvildar í samfélaginu og fjöldi fyrirtækja og einstaklinga hafa lagt starfinu lið. Framtíðin er björt. Áfram PKS.
Fleiri fréttir
-
Rjómi heldur að hann ráði öllu | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 04.01.2025 kl. 12.10Rjómi er nú ekki algengt nafn á dýri en það er einn kisi í Iðutúninu á Króknum sem ber þetta nafn enda liturinn á kettinum eins og á rjóma. Birta Karen, tíu ára snót, er eigandi Rjóma en hún er dóttir Brynju Vilhjálmsdóttur og Péturs Arnar Jóhannssonar. Rjómi er fimm ára og er blanda af norskum skógarketti en þeir eru með mikinn feld og síðan og þurfa þar af leiðandi mikla feldhirðu.Meira -
Fjórir ungir og efnilegir semja við Kormák Hvöt
feykir.is Austur-Húnavatnssýsla, Íþróttir, Vestur-Húnavatnssýsla 03.01.2025 kl. 15.08Aðdáendasíða Kormáks hefur haft í nógu að snúast undarnfarnar vikur í að tilkynna hvaða ungu og efnilegu leikmenn eru búnir að skrifa undir hjá félaginu fyrir komandi átök í sumar. Fyrsti leikur verður spilaður á útivelli í byrjun maí eða þann 3. maí við KFA en fyrsti heimaleikurinn verður þann 10. maí á móti Gróttu á Blönduósvelli.Meira -
Gillon með ný lög á nýju ári
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 03.01.2025 kl. 11.06Út er komin rafræna smáskífan Rauða hjartað með Gillon. Hún inniheldur aukalagið Gyðjan brosir (2025) og er það endurgerð af áðurútgefnu lagi með Gillon, en ljóðið er eftir Geirlaug Magnússon og fengið úr bókinni N er aðeins bókstafur (2003).Meira -
Kjúklingapottréttur og bananaterta | Matgæðingur Feykis
feykir.is Skagafjörður, Í matinn er þetta helst, Lokað efni 03.01.2025 kl. 11.01Matgæðingur vikunnar í tbl 35 árið 2023 var Guðbjörg Ósk Valgarðsdóttir en hún er fædd og uppalin í Tunguhlíð í Lýtingsstaðahreppi og hefur alltaf átt heima í Skagafirðinum fyrir utan eitt ár er hún fór sem skiptinemi til Bandaríkjanna. Guðbjörg vinnur sem sérkennari við Fjölbrautaskóla Norðurlands vestra og á tvö börn, Hrafnhildi Ósk, fædd 2004, og Sæmund Inga sem er fæddur 2011. „Stundum finnst mér mjög gaman að elda og sæki frekar í eitthvað einfalt og þægilegt en alltaf finnst mér jafn leiðinlegt að ganga frá eftir matinn,“ segir Guðbjörg.Meira -
Kappi sem kann að opna hurðir | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 03.01.2025 kl. 10.00Kappa þekkja allir krakkar úr teiknimyndaseríunum um Hvolpasveitina frægu en hann Kappi sem Sigurjón Elís Gestsson á er blanda af Border collie og íslenskum fjárhundi. Sigurjón kallar Kappa stundum Kappaksturs Kappa eða Lilli húndúr. Þeir búa á Skagfirðingabrautinni á Króknum ásamt foreldrum Sigurjóns, Ernu Nielsen og Gesti Sigurjóns, og þrem systrum Sigurjóns þeim Eydísi Önnu, Brynju og Freyju. Sigurjón á einnig systur og bróður sem búa í Bandaríkjunum. Feyki langaði aðeins að forvitnast um þá vini Sigurjón og Kappa.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.