Jólablakmót á Blönduósi milli jóla og nýárs
Á huni.is segir að í vetur hefur verið mikið um að vera í Íþróttamiðstöðinni á Blönduósi þar sem fjölmennur hópur fólks hittist tvisvar í viku og spili blak sér til skemmtunar. Má jafnvel tala um að hér sé um hreint „blakæði“ að ræða. Í kjölfar þessa mikla blakáhuga ákváðu þau Ólafur Sigfús Benediktsson og Jóhanna Björk Auðunsdóttir, íþróttakennarar við Húnaskóla, að blása til blakmóts sem haldið var á milli jóla og nýárs; “Jólablakmót meistaranna 2024”.
Um var að ræða styrktarmót til styrktar Þorsteini Elfari Hróbjartssyni og fjölskyldu hans, en móðir hans á ættir sínar að rekja til Blönduóss. Þorsteinn er sex ára gamall og greindist nýverið með hvítblæði og eru því krefjandi tímar framundan hjá honum og fjölskyldu hans.
Mótið gekk afar vel og var í alla staði mjög skemmtilegt, en það var einmitt tilgangur mótsins, þ.e. að hittast og skemmta sér í blaki. Glæsileg þátttaka var í mótinu en 12 lið skráðu sig til leiks og var leikið á þremur völlum samtímis. Sigurvegarar mótsins komu frá Hvammstanga en lið þeirra vann úrslitaleik við Græna herinn. Í þriðja sæti varð liðið Retro.
Í stuttu samtali við skipuleggjendur mótsins kom fram að þátttakana hafi farið fram úr björtustu vonum þeirra og vilja þau koma á framfæri þakklæti til allra þeirra sem þátt tóku.
Fleiri fréttir
-
Rjómi heldur að hann ráði öllu | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 04.01.2025 kl. 12.10Rjómi er nú ekki algengt nafn á dýri en það er einn kisi í Iðutúninu á Króknum sem ber þetta nafn enda liturinn á kettinum eins og á rjóma. Birta Karen, tíu ára snót, er eigandi Rjóma en hún er dóttir Brynju Vilhjálmsdóttur og Péturs Arnar Jóhannssonar. Rjómi er fimm ára og er blanda af norskum skógarketti en þeir eru með mikinn feld og síðan og þurfa þar af leiðandi mikla feldhirðu.Meira -
Fjórir ungir og efnilegir semja við Kormák Hvöt
feykir.is Austur-Húnavatnssýsla, Íþróttir, Vestur-Húnavatnssýsla 03.01.2025 kl. 15.08Aðdáendasíða Kormáks hefur haft í nógu að snúast undarnfarnar vikur í að tilkynna hvaða ungu og efnilegu leikmenn eru búnir að skrifa undir hjá félaginu fyrir komandi átök í sumar. Fyrsti leikur verður spilaður á útivelli í byrjun maí eða þann 3. maí við KFA en fyrsti heimaleikurinn verður þann 10. maí á móti Gróttu á Blönduósvelli.Meira -
Gillon með ný lög á nýju ári
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 03.01.2025 kl. 11.06Út er komin rafræna smáskífan Rauða hjartað með Gillon. Hún inniheldur aukalagið Gyðjan brosir (2025) og er það endurgerð af áðurútgefnu lagi með Gillon, en ljóðið er eftir Geirlaug Magnússon og fengið úr bókinni N er aðeins bókstafur (2003).Meira -
Kjúklingapottréttur og bananaterta | Matgæðingur Feykis
feykir.is Skagafjörður, Í matinn er þetta helst, Lokað efni 03.01.2025 kl. 11.01Matgæðingur vikunnar í tbl 35 árið 2023 var Guðbjörg Ósk Valgarðsdóttir en hún er fædd og uppalin í Tunguhlíð í Lýtingsstaðahreppi og hefur alltaf átt heima í Skagafirðinum fyrir utan eitt ár er hún fór sem skiptinemi til Bandaríkjanna. Guðbjörg vinnur sem sérkennari við Fjölbrautaskóla Norðurlands vestra og á tvö börn, Hrafnhildi Ósk, fædd 2004, og Sæmund Inga sem er fæddur 2011. „Stundum finnst mér mjög gaman að elda og sæki frekar í eitthvað einfalt og þægilegt en alltaf finnst mér jafn leiðinlegt að ganga frá eftir matinn,“ segir Guðbjörg.Meira -
Kappi sem kann að opna hurðir | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 03.01.2025 kl. 10.00Kappa þekkja allir krakkar úr teiknimyndaseríunum um Hvolpasveitina frægu en hann Kappi sem Sigurjón Elís Gestsson á er blanda af Border collie og íslenskum fjárhundi. Sigurjón kallar Kappa stundum Kappaksturs Kappa eða Lilli húndúr. Þeir búa á Skagfirðingabrautinni á Króknum ásamt foreldrum Sigurjóns, Ernu Nielsen og Gesti Sigurjóns, og þrem systrum Sigurjóns þeim Eydísi Önnu, Brynju og Freyju. Sigurjón á einnig systur og bróður sem búa í Bandaríkjunum. Feyki langaði aðeins að forvitnast um þá vini Sigurjón og Kappa.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.