Lundabringur og kjúklingur í aðalrétt

feykir.is Uncategorized 27.03.2010 kl. 09.48

Árni Birgir Ragnarsson var matgæðingur Feykis í maí 2008 og bauð hann upp á léttsteiktar lundabringur með malti og bláberjasósu í aðalrétt.

  • Forréttur:
  • Smálúðu-sashimi  
  •  
  • 400 gr. fersk smálúða
  • 10 gr. svört sesamfræ
  • ½ dl. sesamolía
  • 1 dl. ólífuolía
  • 20 gr. ferskt kóríander
  • 50 gr. ristaðar furuhnetur
  • Sjávarsalt
  •  
  • Aðferð:
  • Smálúðan er hreinsuð og skorin í þunnar sneiðar og raðað á disk. Ólífuolía, sesamolía og sesamfræ sett í pott og hitað þar til hiti er  u.þ.b.40°C. Olían má alls ekki verða of heit því þá eldast lúðan of mikið. Olíunni er svo hellt yfir fiskinn. Ristuðum furuhnetum og kóríander stráð yfir ásamt dálitlu sjávarsalti.
  •  
  • Aðalréttur
  • Léttsteiktar lundabringur
  •  
  • 6 lundar, úrbeinaðir frá skipinu
  • Salt og pipar
  • 30 gr. smjör til steikingar
  • Ferskt blóðberg (ekki nauðsynlegt)
  • 2 bollar maltöl eða maltbjór
  • 1 bolli rjómi
  • ½ bolli bláber, helst íslensk
  • 1 tsk. anda- eða nautakraftur
  • 20 gr. smjör
  •  
  • Mikilvægt er að hreinsa alla fitu af lundanum sem og þær himnur sem hægt er að plokka af áður en hafist er handa við eldamennskuna. Þá eru lundabringurnar kryddaðar með salti, pipar og blóðbergi, sem er pillað af greinunum. Pannan hituð vel. Smjörinu er skellt á pönnuna og bringurnar steiktar á henni í u.þ.b. 50 sek. á hvorri hlið. Bringurnar eru teknar af pönnunni og maltinu hellt út á pönnuna og það soðið niður um helming. Þetta kemur með sætuna í sósuna. Þá er rjómanum bætt út í maltið og leyft að sjóða niður um helming. Sósan er krydduð með anda- eða nautakraftinum. Þegar sósan er komin í þá þykkt sem þykir heppileg, er lunda-bringunum bætt út í ásamt smjöri og bláberjum. Leyfið þessu að sjóða í um 1 mín. við meðalhita og veltið pönnunni svolítið til svo þetta blandist vel. Gott er að skreyta diskinn með blóðberginu.
  •  
  • Aðalréttur tvö
  • Sterkur karrý kjúklingur
  •  
  •             1 kjúklingur
  •             1 peli rjómi
  •  
  •             Kryddlögur:
  •             3 dl. tómatsósa
  •             3 tsk. karrý
  •             3 tsk. pipar
  •             1 tsk. salt
  •  
  • Kjúklingurinn er skorinn í bita, velt upp úr kryddleginum og settur í eldfast mót. Settur í 200°C heitan ofn og eldaður í 30 mín. Kjúklingurinn tekinn út og rjómanum hellt yfir hann og eldaður í aðrar 30 mín. Kjúklingurinn er borin fram með hrísgrjónum og rjóminn sem hellt var yfir, er sósan sem er sett á hrísgrjónin.
  •  
  •  
  • Pönnukökur
  • með ís og grand mariner
  •  
  • Búið til pönnukökur úr venjulegu pönnukökudegi, nema hafið deigið þykkt svo þær verði þykkar.
  • Setjið 2-3 kúlur af ís í hverja pönnuköku. Leggið saman í hálfmána og setjið á disk. Hellið grand mariner yfir.
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Ísmóti Neista á Svínavatni aflýst

    feykir.is Austur-Húnavatnssýsla 19.03.2025 kl. 15.08 gunnhildur@feykir.is
    Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.
    Meira
  • Hluti af 3. flokki karla sem ætlar sér út til Minneapolis á USA CUP. Mynd aðsend.

    Kleinubakstur til að safna fyrir æfingaferð á USA CUP

    feykir.is Skagafjörður 19.03.2025 kl. 14.43 siggag@nyprent.is
    Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.
    Meira
  • Sigríður Garðarsdóttir, umsjónarmaður Vísnakeppni Safnahúss Skagfirðinga, nýbúin að afhenda Jóni Gissurarsyni verðlaun fyrir besta botninn í fyrra. MYND: ÓAB

    Vísnakeppni Safnahúss Skagfirðinga

    feykir.is Skagafjörður 19.03.2025 kl. 14.40 gunnhildur@feykir.is
    Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.
    Meira
  • Skagfirski kammerkórinn. MYND AÐSEND

    Skagfirski kammerkórinn fagnar 25 ára afmæli

    feykir.is Skagafjörður, Lokað efni 19.03.2025 kl. 13.00 gunnhildur@feykir.is
    Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.
    Meira

  • Bláa boðinu frestað !

    feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10 gunnhildur@feykir.is
    Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.
    Meira
Yfirlit frétta