„Litla sveitastúlkan“ fékk ekki Óskarinn
Val á Íþróttamanni ársins 2023 fór fram á Hilton hótelinu í Reykjavík í gærkvöldi. Tíu íþróttamenn voru tilnefndir og var það handboltakappinn Gísli Þorgeir Kristjánsson sem fór heim með verðlaunagripinn eftirsótta, sigraði kosningu íþróttafréttamanna með nokkrum yfirburðum og er vel að heiðrinum kominn. Dagur Þór Baldvinsson, formaður körfuknattleiksdeildar Tindastóls, og Pavel Ermolinski, þjálfari karlaliðs Tindastóls, voru á staðnum enda Pavel tilnefndur sem þjálfari ársins og meistaralið Tindastóls sem lið ársins.
Í skemmtilegu spjalli í upphafi beinnar útsendingar frá viðburðinum í Sjónvarpi allra landsmanna þá líkti Pavel veru þeirra félaga við að litla sveitastelpan væri mætt til Hollywood á Óskarinn. Það mátti skilja hann sem svo að það væri langsótt að Stólastrákarnir hlytu verðlaunin í þetta sinn en engu að síður skemmtilegt ævintýri.
Það fór svo að Arnar Gunnlaugsson, þjálfari Víkings í fótboltanum, og karlalið Víkings hlutu verðlaunin en lið Víkings hafði mikla yfirburði í Bestu deildinni sl. sumar og úrslitin komu því í raun ekki á óvart.
Alvaran tekur svo við í kvöld þegar lið Álftaness mætir í Síkið í 12. umferð Subway-deildarinnar. Liðin eru jöfn að stigum, hafa bæði 14 stig eftir að hafa unnið sjö leiki en tapað fjórum í fyrri umferðinni. Þetta er því mikilvægur leikur og stuðningsmenn hvattir til að fjölmenna í Síkið. Leikurinn hefst kl. 19:15 – áfram Tindastóll!
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.