Leikfélag Sauðárkróks frumsýnir Fylgd eftir Guðbrand Ægi Ásbjörnsson
Leikfélag Sauðárkróks alheimsfrumsýnir nýtt leikrit Guðbrands Ægis Ásbjörnssonar í kvöld, sem hann leikstýrir einnig. Fjöldi laga, eftir skagfirska höfunda, er í leikritinu sem samin voru sérstaklega fyrir verkið. Leikritið heitir Fylgd og er skírskotun í þjóðþekkt lag og ljóð og var Ægir spurður út í nafngiftina ásamt öðru er viðkemur leikritinu.
„Fylgd, af því að lagið, sem er eftir Didda fiðlu (Sigurð Rúnar Jónsson) og ljóðið, sem Guðmundur Böðvarsson samdi, kveikti hjá mér hugmyndina um leikverkið. Formaður leikfélagsins kom að máli við mig fyrir nokkrum árum og hvatti mig til þess að semja verk fyrir félagið. Ég var búinn að vera að hugsa um leikritasmíð í svolítinn tíma og var kominn með hugmynd en var svo óheppinn að tölvunni var stolið er ég var að ferðast með fjölskyldunni á Spáni. Þegar ég var að rifja upp það sem ég hafði verið að skrifa um, heyrði ég þetta lag og það kom mér á sporið aftur. Fyrir utan að fjalla um fjölskyldu þá fjallar verkið um heimahagana og mikilvægi þess að kippa ekki stoðum undan samfélaginu. Mest er þetta samt á léttu nótunum,“ segir höfundurinn sem áður hefur komið að því að semja leikrit fyrir Leikfélag Sauðárkróks og fékk fádæma góða dóma.
„Í leikritinu Tifar tímans hjól, frá 2013 sem ég samdi upp úr sögu eftir okkur Árna Gunnarsson, notaði ég heilmikið af lögum og eingöngu Geirmundar Valtýssonar. Flest þeirra laga voru áður útkomin og textarnir ekki endilega eftir skagfirska höfunda. Í Fylgd nota ég líka mikið af lögum. Nú eru langflest lögin og textarnir sérstaklega samin fyrir verkið eða tólf talsins en fyrir utan lagið Fylgd eru tvö önnur lög sem heyrst hafa áður. Annað þeirra Kveðjustund er í sérstöku uppáhaldi hjá mér en það samdi móðir mín fyrir Sönglagakeppni kvenfélagsins árið 1963 við texta Guðrúnar Gísladóttur. Hitt er hið kunna Skál og syngja.“
Það eru sem sagt tólf ný skagfirsk lög og tólf nýir skagfirskir textar í verkinu og segist Ægir svo heppinn að eiga marga góða vini og félaga og hafa skáld úr þeim hópi fúslega dregið fram tóna og texta listinni til heilla. „Færi ég þeim mínar hjartans þakkir fyrir. Það er von mín að áhorfendur njóti sýningarinnar og sem flestir sjái hana og heyri en það er ekki á hverjum degi sem færi gefst á að hlusta á svo mörg ný skagfirsk lög. Að lokum vil ég þakka Leikfélagi Sauðárkróks fyrir gott samstarf og það mikla traust sem mér er sýnt.“
Sjá nánar HÉR
Fleiri fréttir
-
Jólin mín | Guðrún Ólafsdóttir
feykir.is Skagafjörður, Lokað efni 30.12.2024 kl. 13.04Guðrún Ólafsdóttir býr á Krithóli 2 í fyrrum Lýdó og er gift Sigþóri Smára Sigurðssyni. Þau eiga tvær dætur, þær Rebekku Ósk og Snæbjörtu Ýri. Guðrún vinnur hjá stuðnings- og stoðþjónustu Skagafjarðar.Meira -
Byrjaði í orgelnámi síðasta haust
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.12.2024 kl. 13.00Friðrik Þór Jónsson í Skriðu í Blönduhlíð gerir upp árið með okkur hjá Feykir. Friðrik býr með Sigríði Skarphéðinsdóttur og eiga þau dæturnar Silju Rún og Sunnu Sif.Meira -
Róbert Daníel með stórkostlegar myndir af borgarísjakanum við Blönduós
feykir.is Skagafjörður, Austur-Húnavatnssýsla, Vestur-Húnavatnssýsla 30.12.2024 kl. 12.47Eftir leiðindarveðrið sem búið er að herja á okkur hér á Norðurlandi vestra yfir jólahátíðina kom í ljós í gær að eitt stykki borgarísjaki læddist inn Húnafjörðinn og var staðsettur um fjóra kílómetra fyrir utan Blönduós. Vinur okkar hann Róbert Daníel Jónsson var ekki lengi að taka upp myndavélina og festa á filmu nokkrar fallegar myndir og myndband sem var birt á öllum helstu fréttamiðlum landsins í gær.Meira -
Takið fram hlaupaskóna, Gamlárshlaupið er á morgun!
feykir.is Skagafjörður 30.12.2024 kl. 12.10Hlaupahópurinn 550 Rammvilltar tóku við hlaupakeflinu af Árna Stefánssyni í lok Gamlársdagshlaupsins fyrir ári síðan. Á morgun gamlárdag verður hlaupið sem löngu er komin mikil hefð fyrir á Sauðárkróki, ræst á slaginu 12:30 við Íþróttahúsið á Sauðárkróki nánar tiltekið á bílastæðinu við Árskóla. Happdrættið verður kl. 13:30 svo þá þurfa hlaupagarparnir að vera búnir að skila sér til baka.Meira -
„Þetta er algerlega galið“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.12.2024 kl. 11.04„Þetta er algerlega galið,“ sagði Eyjólfur Ármannsson, þingmður Flokks fólksins og nýr samgöngu- og sveitarstjórnarráðherra, á Útvarpi Sögu 12. september síðastliðinn. Tilefnið var frumvarp sem Þórdís Kolbrún Reykfjörð Gylfadóttir, þáverandi utanríkisráðherra, hugðist leggja fram í annað sinn varðandi svonefnda bókun 35 við EES-samninginn sem felur í sér að almenn lög hér á landi sem eigi uppruna sinn í regluverki Evrópusambandsins í gegnum samninginn gangi framar löggjöf sem er innlend að uppruna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.