Takið fram hlaupaskóna, Gamlárshlaupið er á morgun!
Hlaupahópurinn 550 Rammvilltar tóku við hlaupakeflinu af Árna Stefánssyni í lok Gamlársdagshlaupsins fyrir ári síðan. Á morgun gamlárdag verður hlaupið sem löngu er komin mikil hefð fyrir á Sauðárkróki, ræst á slaginu 12:30 við Íþróttahúsið á Sauðárkróki nánar tiltekið á bílastæðinu við Árskóla. Happdrættið verður kl. 13:30 svo þá þurfa hlaupagarparnir að vera búnir að skila sér til baka.
Í auglýsingunni segir; skokkum, göngum eða hjólum saman og barnavagnar og sleðar sérstaklega velkomnir. Áramóta- útibingó verður fyrir þau yngstu á leiðinni.
Ekkert þátttökugjald og vegalengd er undir hverjum og einum komið. Rafræn skráning er í hlaupið í QR kóða og einnig er hægt að skrá sig í á staðnum frá klukkan 12:00.
Þessar Rammvilltu hvetja öll til að mæta og hafa gaman saman á síðasta degi ársins.
Fleiri fréttir
-
Opnunartími hjá flugeldasölum fyrir þrettándann í Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 02.01.2025 kl. 12.58Þeir sem misstu sig í gleðinni á gamláskvöld og skutu upp öllum birgðunum og gleymdu að taka smá til hliðar til að skjóta upp á þrettándanum þurfa ekki að örvænta. Það verður nefnilega opið hjá Skagfirðingasveit á Króknum mánudaginn 6. janúar frá kl. 14-18 og hjá Grettismönnum á Hofsósi sunnudaginn 5. janúar frá kl. 16-20.Meira -
„Don’t look back in anger, mest umbeðna óskalagið á dönsku kránni“
feykir.is Skagafjörður, Lokað efni 02.01.2025 kl. 10.00Við fengum Sæþór Má Hinriksson til að gera upp árið sitt með okkur hér á Feyki. Sæþór þarf nú sennilega ekki að kynna fyrir lesendum Feykis enda fyrrum starfsmaður blaðsins. En fyrir þau ykkar sem ekki vita þá er Sæþór alinn upp á Syðstu-Grund í Blönduhlíð. Sótti grunnskóla í Varmhlíð, framhaldsskóla á Sauðárkróki og er nú á þriðja ári í Viðskiptafræði við Háskóla Íslands í Reykjavík. Er sjálfstætt starfandi tónlistarmaður sem gítarleikari í Danssveit Dósa og trúbador á Den Danske Kro og víðar. „Bý í Skerjafirðinum með Karen minni og dóttur okkar Sölku. Framsóknarmaður.“Meira -
Hvað á að gera við flugeldaruslið?
feykir.is Skagafjörður, Austur-Húnavatnssýsla, Vestur-Húnavatnssýsla 02.01.2025 kl. 08.43Það var einstaklega fallegt veður á gamláskvöld, bæði til að fara að brennunum og til að skjóta upp flugelda, og var greinilegt að fáir létu klundann á sig fá. Sveitarfélagið fær í ár fyrsta hrós ársins en ástæðan er sú að það hefur komið fyrir gámum sem er ætlað undir flugeldarusli á hinum ýmsu stöðum í firðinum. Á Sauðárkróki er gámurinn staðsettur við húsakynni Skagfirðingasveitar við Borgarröst 1. Á Hofsósi er hann staðsettur rétt hjá húsakynnum Björgunarsveitarinnar að Skólagötu og í Varmahlíð er hann staðsettur við húsakynni Flugbjörgunarsveitarinnar.Meira -
Gleðilegt nýtt ár !
feykir.is Skagafjörður, Austur-Húnavatnssýsla, Vestur-Húnavatnssýsla 31.12.2024 kl. 23.59Feykir óskar lesendum og landsmönnum öllum gleðilegs nýs árs og þakkar fyrir árið sem er liðið í aldanna skaut og aldrei það kemur til baka, svo ég vitni í sálminn hans séra Valdimars Briem sem ómar í viðtækjum landsmanna þegar árið líður undir lok.Meira -
Jólin mín | Heiða Jonna Friðfinnsdóttir
feykir.is Skagafjörður, Lokað efni 31.12.2024 kl. 13.00Heiða Jonna Friðfinnsdóttir, gift Ægi Erni Ægissyni, eiga tvö börn, Frosta Frey 6 ára og Ásbjörgu Eddu eins og hálfs árs. Heiða kennir leiklist í FNV og er í Meistaranámi í Háskóla Íslands til þess að næla sér í kennsluréttindi. Heiða er uppalin á Siglufirði en er búsett á Sauðárkróki sem stendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.