Leggja til breytta fiskveiðistjórnun
Einar Kristinn Guðfinnsson alþingismaður er fyrsti flutningsmaður að frumvarpi sem lagt var fram á Alþingi í gær, þar sem kveðið er á um breytta aðferð við útreikning á jöfnunaraðgerðum, ívilnunum og uppbótum í fiskveiðistjórnunarkerfinu.
Eins og fyrirkomulagið er í gildandi lögum leiðir það til þess að þeir sem hafa hlutfallslegu mestu aflahlutdeildirnar í fjórum fisktegundum, þorski, ýsu, ufsa og steinbít, taka á sig mestu skerðingarnar þegar kvótum er úthlutað til línuívilnunar, byggðakvóta, rækju og skelbóta og strandveiða. Frumvarpið gerir hins vegar ráð fyrir því að allir þeir sem fá úthlutað kvóta þurfi að leggja af mörkum hlutfallslega jafn miklar aflaheimildir.
Þetta leiðir til þess að hlutfallsleg skerðing aflaheimilda verður jafn mikil og áður að meðaltali. Hins vegar er ljóst að þeir sem í dag eru að taka á sig allt að 5% skerðingu aflaheimilda sinna munu taka á sig talsvert minni skerðingu ef frumvarpið verður að lögum.
Mál þetta er orðið enn brýnna en áður vegna þeirra strandveiða sem áformað er að lögfesta síðar á þessu þingi. Fram hefur komið að áhrif strandveiðilaganna verða þau að skerða þarf aflaheimildir í þorski hjá aflamarks og krókaaflamarksbátum um 3,4% til viðbótar við 5,3% skerðingu sem nú er í gildi. Að óbreyttu mun þessi skerðing ekki bitna á þeim sem ekki hafa aflaheimildir í þorski.
Í greinargerð með frumvarpinu segir um þessi mál:
„Þau álitaefni sem hér er fjallað um hafa oft verið til umræðu. Nú er komið að því að leiða
þau til lykta með sanngjörnum hætti. Það tilfærslufyrirkomulag sem er í fiskveiðistjórnarlögunumog hér er gert að umræðuefni hefur að sönnu verið umdeilt. Það er hins vegar tilstaðar og hefur meðal annars byggðalegan tilgang. Allir stjórnmálaflokkar hafa með einum eða öðrum hætti komið að gerð þess lagaverks sem skapar grundvöll þess. Tilgangur þessa frumvarps er að skipa fyrirkomulagi þess með sanngjarnari hætti en nú er.“
Flutningsmenn málsins, auk Einars Kristin Guðfinnssonar, eru þingmennirnir Ásbjörn Óttarsson og Gunnar Bragi Sveinsson.
/ Fréttatilkynning.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.