Jafntefli í Hveragerði - Hamar 1 - Tindastóll 1
Tindastóll lék sinn þriðja leik í deildarkeppninni á föstudagskvöld þegar liðið lék við Hamar í Hveragerði. Það var Kristmar Geir Björnsson sem jafnaði fyrir Tindastól á lokamínútum leiksins og tryggði þeim eitt stig.
Byrjunarlið Tindastóls var þannig: Gísli Sveins, Konni, Bjarki Már, Stefán Arnar, Pálmi, Árni Einar, Sævar, Árni Ödda, Fanar Örn, Ingvi Hrannar og Fannar Freyr.
Það voru hundleiðinlegar aðstæður í Hveragerði, gekk á með miklum rigningarskúrum og töluverðum vindi.
Tindastólsmenn hófu leikinn vel og voru töluvert sterkari á fyrstu mínútum leiksins, áttu ágætar sóknir sem þó báru ekki tilætlaðan árangur. Um miðjan fyrri hálfleikinn skoruðu hinsvegar Hamarsmenn eftir skelfileg mistök í vörn Tindastóls og má segja að þeir hafi fengið markið á silfurfati.
Tindastólsmenn voru ekki alveg sjálfum sér líkir í leiknum og hafa í raun ekki verið það það sem af er móti. Liðið á mikið inni og nú er bara að vona að það fari að springa út.
Kristmar Geir kom inná um miðjan seinni hálfleikinn og breyttist leikur okkar verulega við það. Það var síðan hann sjálfur sem jafnaði leikinn með góðu marki og má með sanngirni segja að hann hafi bjargað því sem bjargað varð í leiknum.
Tindastólsmenn ætluðu sér meira í leiknum en uppskáru aðeins eitt stig.
/Tindastóll.is
Fleiri fréttir
-
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira -
Landbúnaðarverðlaunin 2025 í Skagafjörðinn
feykir.is Skagafjörður, Lokað efni 20.03.2025 kl. 13.00Stefanía Hördís Leifsdóttir og Jóhannes Helgi Ríkharðsson fengu rétt í þessu afhent landbúnaðarverlaun atvinnuvegaráðuneytisins á Langþingi sambands íslenskra sveitarfélaga sem haldið er í dag, fimmtudaginn 20. mars á Hilton Reykjavík Nordica.Meira -
Mennta- og barnamálaráðherra auglýsir eftir umsóknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 20.03.2025 kl. 12.59Mennta- og barnamálaráðherra auglýsir eftir umsóknum frá íslenskum félagasamtökum um styrki til verkefna sem stuðla að farsæld barna. Um er að ræða einsskiptis styrki sem ætlað er að styðja við innleiðingu laga um samþættingu þjónustu í þágu farsældar barna og menntastefnu til ársins 2030.Meira -
Hópur Íra á snjóflóða- og fjallabjörgunarnámskeiði í Tindastól
feykir.is Skagafjörður 20.03.2025 kl. 12.48Helgina 8. og 9. mars var líf og fjör í Tindastól eins og vant er á þessum tíma þegar hvíta gullið lætur sjá sig og lék veðrið við gesti svæðisins. Skíðasvæðið var að sjálfsögðu opið og voru frábærar aðstæður til skíðaiðkunar, opið í allar lyftur og búið að gera flotta gönguskíðabraut.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.