Í nógu að snúast hjá Lögreglunni
Lögreglan á Sauðárkróki hafði í nógu að snúast um páskahelgina en meðal þeirra verkefna sem hún hafði með höndum var m.a. eftirlit með umferð um héraðið og ástand ökumanna kannað sem var til fyrirmyndar utan eins.
Að kvöldi skírdags lenti ökumaður í vandræðum vegna ófærðar og var björgunarsveit send til að aðstoða hann. Eitthvað þótti björgunarsveitarmönnum athugavert við ökumanninn og létu þeir lögreglu vita. Ökumaðurinn var stöðvaður stuttu seinna á Þverárfjallsvegi og við rannsókn kom í ljós ökumaðurinn var með fíkniefni í fórum sínum. Einnig bar ökumaðurinn merki þess að hafa verið undir áhrifum fíkniefna við aksturinn. Tekin voru blóðsýni til frekari rannsóknar og var bifreiðin færð á lögreglustöðina. Þegar ökumaðurinn hugðist sækja bifreiðina tveim dögum síðar þótti ástæða til að kanna ástand hans og kom þá í ljós að hann var enn óhæfur til aksturs. Lögreglan á Sauðárkróki naut aðstoðar lögreglunnar á Blönduósi við þetta mál og var fíkniefnaleitarhundur notaður við leit í bifreiðinni.
Tilkynnt var um fimm umferðaróhöpp á tímabilinu. Var þar helst um að ræða tjón á ökutækjum og minniháttar eymsli. Ökumaður missti vald á bifreið sinni á Skagfirðingabraut með þeim afleiðingum að hún lenti á mannlausri bifreið, eignatjón. Hliðarspeglar bifreiða rákust saman er þær mættust í Hegranesi, ekki náðist í annan ökumanninn sem ók af vettvangi.
Tilkynnt var um útafakstur á Vatnsskarði og fóru lögreglumenn til aðstoðar. Ekki fannst bifreiðin þrátt fyrir nokkra leit en í samtali við ökumann hennar kvaðst hann skammt vestan Varmahlíðar. Við nánari skoðun kom í ljós að bifreiðin hafði hafnað utan vegar fáeina kílómetra austan Blönduóss og kom lögreglan á Blönduósi ökumanninum til aðstoðar.
Nokkuð var um að ökumönnum var veitt aðstoð vegna ófærðar og voru bæði lögregla og björgunarsveit á ferðinni vegna þessa bæði innan – og utan þéttbýlis.
Skemmtanahald var með hefðbundnum hætti þessa daga og fór það vel fram og hafa ekki komið nein mál inná borð lögreglu vegna þess.
Karlmaður á þrítugsaldri var handtekinn um hálf tvö aðfaranótt sunnudags þar sem sést hafði til hans sparka í bifreiðar. Í ljós kom að hann hafði unnið tjón á þrem bifreiðum. Maðurinn reyndist ölvaður og fékk hann að gista fangaklefa. Hann var síðan látinn laus eftir að hann hafði sofið úr sér áfengisvímuna og skýrsla hafði verið tekin af honum.
/logreglansaudarkroki.is
Fleiri fréttir
-
Krakkarnir á Barnabóli á Skagaströnd glaðir með nýja útieldhúsið
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 09.51Í fréttaskoti sem Sveitarfélagið Skagaströnd sendi frá sér á dögunum var krúttleg frétt frá leikskólanum Barnaból á Skagaströnd. Fyrir stuttu síðan var nefnilega tekið í notkun nýtt og glæsilegt útieldhús sem hefur vakið mikla lukku hjá krökkunum. Foreldrafélag Barnabóls styrkti framkvæmdina og á það skilið miklar þakkir fyrir. Börnin hafa notið þess að leika sér í eldhúsinu í góða veðrinu sem hefur glatt Skagstrendinga síðustu misseri. Þá óskar leikskólinn eftir því að ef einhver á eldhúsáhöld sem gætu nýst í þessu fína eldhúsi fyrir krakkana þá tekur leikskólinn vel á móti slíkum búnaði.Meira -
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.