Hvöt úr leik í bikarnum
Frekar kalt var í veðri er Hvöt tók á móti liði Breiðabliks í Visa-bikarkeppni KSÍ í 32-liða úrslitum karla í gærkvöldi. Norðan vindur og ekki margar gráður á hitamælinum.
Hvatarmenn hófu leikinn og áttu nokkrar ágætar sóknir fyrstu 10 mínúturnar en það var einmitt á þeirri elleftu sem Milan skaut í stöng Breiðabliksmarksins og þar slapp Sigmar Ingi Sigurðsson, markvörður Breiðabliks, með skrekkinn. Eftir þetta sóttu Blikar mjög að marki Hvatar en án árangurs og var staðan í hálfleik 0-0.
Ekki voru liðnar nema 27 sekúndur af síðari hálfleik er Nezir, markvörður Hvatar, þurfti að taka honum stóra sínum og sýndi hörkumarkvörslu en það var ekki í fyrsta né síðasta skiptið sem Nezir tók á því í markinu. Á 62. mínútu átti Muamer gott hlaup upp hægri kantinn sem lauk með því að hann átti gott skot sem endaði í hliðarnetinu á mark Blika. Enn þyngdist sókn Breiðabliks og þeir uppskáru síðan mark á 69. mínútu er Guðmann Þórisson skoraði eftir eina af fjölmörgum hornspyrnum Blika í leiknum. Eftir þetta skiptust liðin á að sækja þótt að sóknir Blika væru mun hættulegri en heimamanna.
Seinna mark gestanna kom á 89. mínútu eftir enn eina hornspyrnuna er Elfar Freyr Helgason skoraði og bikardraumur heimamanna varð að engu. Hvatarmenn áttu þó síðustu færi leiksins er Milan komst einn í gegnum flata vörn gestanna en hann lét Sigmar í marki Blikanna verja frá sér og mínútu seinna átti Óskar Snær gott skot á mark gestanna en þeir björguðu í horn. Eftir það flautaði ágætur dómari leiksins, Þóroddur Hjaltalín jr. til leiksloka
/Húni.is
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.