Guðmundur Óli hættir í löggunni
Í dag sinnir Guðmundur Óli Pálsson sinni síðustu vakt samkvæmt uppsettri vaktskrá hjá Lögreglunni á Sauðárkróki en formlega lætur hann af störfum nú um mánaðarmótin.
Guðmundur hóf störf sem héraðslögregluþjónn árið 1971 og vann sem afleysingamaður ´73-´74 og hefur verið fastráðinn lögregluþjónn frá 1. apríl 1974. Guðmundur er fyrsti lögreglumaðurinn hjá embættinu á Sauðárkróki sem hættir vegna aldurs.
Að sögn Guðmundar hefur dagurinn verið ánægjulegur. Í morgun var hann til aðstoðar nemendum Árskóla við gangbrautavörslu við skólann á Skagfirðingabraut og þar á eftir aðstoðaði hann við skrúðgönguna sem nemendur fjölmenntu í. Hvernig árin hafa verið í Lögreglunni svarar Guðmundur. –Ég hef sloppið vel og kvarta ekki og reynt að vera sjálfum mér samkvæmur.
En hvað skyldi taka við eftir daginn í dag. –Ég hef nóg fyrir stafni. Iðjuleysi hrjáir mig ekki, segir Guðmundur og bætir við brosandi. –Ég er léttadrengur hjá konunni í Efnalauginni við Borgarflöt sem er hálft starf. Svo á ég nokkrar kindur sem þarf að sinna.
Guðmundur verður kvaddur af starfsfélögum sínum í kaffisamsæti í Ljósheimum í dag og vill Guðmundur koma á framfæri góðri kveðju til allra Skagfirðinga sem og annara er hann hefur haft kynni af í gegn um árin.
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.