Góð ferð í Austurdal
Ferðafélag Skagfirðinga lagði í skemmtilega ferð þann 20.júní síðastliðinn. Fararstjóri í þeirri ferð var Bjarni Marónsson og honum fylgdu 16 manns. Upphafsstaður ferðarinnar var Gilsbakki í Austurdal. Hjörleifur Kristinsson var síðasti ábúandi á Gilsbakka en býlið fór í eyði eftir að Hjörleifur lést árið 1992.
Leiðin lá austur að hinu hrikalega klettagljúfri Merkigili. Gilið er allt að 100 metra djúpt og fyrr á tímum lá aðal samgönguleið bæjanna austan megin í Austurdal í gegnum gilið, allt til ársins 1961. Tekin var góður tími til þess að njóta útsýnis yfir þessa hrikalegu klettadrunga. Eftir gott stopp var haldið að bænum Merkigili. Þar var tekið rausnarlega og vel á móti okkur með kaffisopa og súkkulaði. Gengið var í bæinn og spjallað við gestgjafana sem komnar voru að sunnan til þess að hugsa um viðhald bæjarins. Hópurinn fór frá Merkigili í sæluvímu eftir gott spjall við fyrrum heimamenn Merkigils.
Stefnan var tekin að Ábæjarkirkju eftir kaffisopann, en stuttu fyrir kirkjuheimsóknina fékk hópurinn að njóta visku Helga Páls Jónssonar jarðfræðings á náttúrustofu og ferðafélaga. Helgi og Bjarni gátu saman frætt okkur skemmtilega um sögu og náttúru þessa stórfenglega dals.
Þegar í Ábæjarkirkju var komið voru nestispakkarnir opnaðir á ný, hlustað á sögur af Ábæjarskottu og síðasta sóknarbarni Ábæjarsóknar, Helga Jóns.
Klukkan var að slá kvöldmatarleyti og það var farið að glitta í bíl Sigga frá Bakkaflöt. Því drifu ferðalangarnir sig af stað og tilhlökkunin fyrir síðasta kafla ferðarinnar var mikil. Sjálfur Skatastaðakláfurinn var eftir. Við röltum með jökulsá röndinni og þegar komið var að kláfnum skiptu menn sér niður í kláfinn.
Ferðin var afar góð í alla staði og ferðalangarnir mjög sáttir eftir sólríkan og góðan dag. Strax voru menn farnir að skipuleggja aðra ferð í Austurdalinn.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.