Framtíð Sparisjóðs Skagafjarðar (Afls sparisjóðs) tryggð
Aðalfundur Afls Sparisjóðs fór fram í síðustu viku og segir Kristján Snorrason, útibússtjóri Sparisjóðs Skagafjarðar, að niðurstaða
fundarins sé sú að framtíð sjóðsins sé trygg án þess að leita þurfi á náðir ríkisins. Það þýðir að eign stofnfjáreigenda sjóðsins verði ekki
niðurfærð.
Tap varð á rekstri sjóðsins rekstrarárið 2008 upp á 805,6 milljónir og var þá búið að taka til hliðar 1055 milljónir í almennar og sértækar
afskriftir sem nota á til þess að mæta hugsanlegum áföllum. Er þessi milljarður því ekki endilega tapað fé.
Þann 28. mars sl. var stofnfé í sjóðnum aukið um 500 milljónir og er cad hlutfall sjóðsins því 10% en lágmarks cad hlutfall samkvæmt skilyrðum FME er 8%. -Þetta þýðir í
raun að reksturinn er tryggður og við munum ekki þurfa og ætlum ekki að leita á náðir
ríkisins. -Eigið fé sjóðsins er rúmur milljarður og á Sparisjóðurinn því að vera vel í stakk búinn næstu ár hvað reksturinn varðar.
Næsta mál á dagskrá verður því að fara að leita að framtíðar húsnæði fyrir sjóðinn.
Kaupþing tók yfir 90% eignarhald Sparisjóðs Mýrarsýslu í Afli Sparisjóð en að sögn Kristjáns mun það þó ekki breyta neinu í daglegum rekstri
sjóðsins. Hann verði áfram rekinn sem sjálfstætt fyrirtæki með hagsmuni eigenda og íbúa viðskiptasvæðisins að leiðarljósi.
Sparisjóðurinn mun alveg á næstunni auglýsa aukningu á stofnfé til núverandi eigenda annarra en Kaupþings sem nemur helmingi af þeirri upphæð sem hver stofnfjáreigandi á fyrir.
Í stjórn Afls Sparisjóðs eru nú;
Gunnar Sigvaldason, Ólafsfirði.
Sigurjón Rúnar Rafnsson, Skagafirði.
Þórdís Úlfarsdóttir,
Þorbergur Guðjónsson
Jóhanna Birgisdóttir öll frá Kaupþingi.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.