Ferðaþjónustufólk á Norðvesturlandi!
feykir.is
Skagafjörður, Austur-Húnavatnssýsla, Vestur-Húnavatnssýsla
07.04.2010
kl. 15.48
Aðalfundur Ferðamálasamtaka Norðurlands vestra verður haldinn á Kaffi Krók á Sauðárkróki þriðjudagskvöldið 13. apríl kl. 20:00. Fundurinn mun hefjast með venjulegum aðalfundarstörfum en að þeim loknum tekur við dagskrá sem snýr að stefnumótunarmálum ferðaþjónustunnar á svæðinu. Stjórn ferðamálasamtakanna hefur ákveðið að leiða ferðaþjónustuaðila á Norðurlandi vestra saman til að vinna að stefnumótun ferðaþjónustunnar fyrir svæðið. Þessi vinna mun að mestu leyti fara fram næsta haust og vetur en mun þó hefjast á aðalfundi samtakanna. Því er mjög mikilvægt að sem flestir mæti og taki þátt í verkefninu frá upphafi. Á fundinum verða haldin tvö framsöguerindi : - Ásbjörn Björgvinsson frá Markaðsskrifstofu Norðurlands fjallar um stöðuna í dag, möguleika svæðisins og tækifæri tengd auknu millilandaflugi til Akureyrar. - Sigurður Atlason galdramaður af Ströndum og formaður Ferðamálasamtaka Vestfjarða mun fjalla um mikilvægi stefnumótunar fyrir ferðaþjónustu og skýra frá stefnumótunarvinnu sem verið hefur í gangi á Vestfjörðum sl. ár. Að erindunum loknum mun Hjördís Gísladóttir framkvæmdastjóri VNV stýra hópavinnu og umræðum um stefnumótun fyrir Norðurland vestra. Til þess að efla þessa mikilvægu atvinnugrein enn frekar og sækja fram hér á Norðurlandi vestra þurfa ferðaþjónustuaðilar á svæðinu að vinna saman og ákveða í hvaða áttir á að stefna. Þannig sköpum við okkur góðan grundvöll fyrir samstarfi jafnt við opinbera aðila sem og okkar á milli. Hér á svæðinu eru mjög margir og smáir aðilar í ferðaþjónustu og við þurfum sameiginlegt átak til þess að fá ferðamenn til að sækja til okkar og hafa hér viðdvöl. Þannig styrkjum við rekstrargrundvöll fyrirtækjanna og aukum arðsemi okkar fyrirtækja. Takið kvöldið frá og mætið til leiks í stefnumótunarvinnuna!!!
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.