Erfiður dagur hjá m.fl. kvenna
M.fl. kvenna lék sinn fyrsta leik í 1. deild kvenna á þessu tímabili. Lið ÍBV kom í heimsókn og fór heim með 3 stig og 11 mörk í bakpokanum. Það var vitað fyrir leikinn að hann yrði heimastelpum erfiður. ÍBV lék í efstu deild á sl. leiktíð og er spáð sigri í 1. deildinni í ár. Í liði ÍBV eru margir mjög góðir leikmenn og það var aldrei spurning hvort væri betra liðið á vellinum.
Byrjunarlið Tindastóls í dag var þannig: Sigurbjörg, Guðný Þóra, Guðrún Jenný, Hrafnhildur, Brynhildur Ósk, Hjördís, Gyða Valdís, Rabbý, Snæbjört, Svava Rún og Helga Rakel.
Það voru ekki liðnar nema 2 mínútur af leiknum þegar Eyjastúlkur skoruðu sitt fyrsta mark, gullfallegt mark, fast skot, óverjandi fyrir annars góðan markvörð Tindastóls/Neista, Sigurbjörgu Marteinsdóttur. Síðan komu mörkin svona á færibandi með nokkuð góðu millibili allan leikinn. Þegar upp var staðið höfðu gestirnir skorað 11 mörk og haldið sínu marki hreinu.
/Tindastóll.is
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.