Ekki lengur fjárveitingar til héraðsvega
Vegagerðin hefur uppi áform um að fella út af vegaskrá eftirtalda vegi: Haganesvíkurveg frá Siglufjarðarvegi við Ysta-Mó að Vík í Haganesvík, veginn austan Sléttuhlíðarvatns frá Siglufjarðarvegi að Hrauni norðanfrá, Bæjarveg frá Vogum að Bæ á Höfðaströnd og Deildardalsveg frá Stafnshóli að Skuggabjörgum.
Kom þetta fram á fundi Umhverfis og samgöngunefndar Skagafjarðar sl. föstudag. Á fundinn mætti Víglundur Rúnar Pétursson frá Vegagerðinni en Víglundur kynnti fyrir nefndinni helstu breytingar og nýmæli sem tóku gildi með nýjum vegalögum nr. 80/2007.
Ekki eru lengur sérstakar fjárveitingar til héraðsvega, (áður safnvegir). Fjárhæð sem veitt er nú til þjónustu allra vega í umdæminu er ein upphæð sem útdeilt er í umdæmisskrifstofu Vegagerðarinnar í Borgarnesi. Fjárhæðinni er skipt eftir umferðarþunga og lengd vega. Héraðsvegir eru þeir vegir sem áður voru safnvegir og tengivegir styttri en 10 km. Áformað er samhliða nýframkvæmd á Skagafjarðarvegi að leggja reiðleið með veginum frá Héraðsdalsvegi að Starrastöðum og frá Hafgrímsstöðum að Sölvanesvegi.
Umhverfis- og samgöngunefnd lýsti á fundinum undrun sinni á því að ákvarðanir um að fella af vegskrá áður nefnda vegkafla hafi verið teknar án nokkurs samráðs við Sveitarfélagið eða landeigendur. Óskað er eftir að Vegagerðin hafi samráð við heimamenn við slíka ákvarðanatöku
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.