Barokkhátíð á Hólum hefst í kvöld
Nú í kvöld hefst að Hólum í Hjaltadal barokkhátíð en þar er á ferðinni nýstofnuð Barokksmiðja Hólastiftis. Að henni stendur Hóladómkirkja, Akureyrarkirkja, Kammerkórinn Hymnodia og áhugafólk um barokktónlist og barokktímann á Íslandi
Dagskráin er þétt en þátttakendur á hátíðinni byrja á því að koma sér fyrir í gistingu, annað hvort í húsum Ferðaþjónustunnar eða á tjaldsvæði.
20.00 Kvöldvaka í Auðunarstofu
- Jón Aðalsteinn Baldvinsson vígslubiskup ræðir um Hólastað á tíma barokksins.
- Pétur Halldórsson segir frá hugmyndinni að stofnun Barokksmiðju Hólastiftis, ræðir um strengjaorgel og segir frá ferð til hljóðfærasmiða í Þýskalandi.
- Ingibjörg Björnsdóttir danskennari segir frá barokkdönsum og námskeiði laugardagsins og ef viðstadda kitlar í iljarnar verða fyrstu barokkdanssporin stigin.
- Söngvarar og hljóðfæraleikarar hittast og ræða um verkefni helgarinnar. Hér er tækifæri til að mynda tónlistarhópa úr þeim efniviði sem þátttakendur hátíðarinnar eru.
- Gönguferð upp í Gvendarskál. Hljóðfæraleikurum og söngvurum er frjálst að hefja upp söng og hljóðfæraslátt og láta fjöllin óma.
Laugardagur 27. júní
8.30 Morgunleikfimi í umsjón Ingibjargar Björnsdóttur.
9.00 Námskeið í barokkdansi hefst. Ingibjörg Björnsdóttir leiðbeinir.
9.00 Meistaranámskeið Mörtu Halldórsdóttur hefst. Námskeiðið er opið áheyrendum.
9.00 Tónlistarhópar hittast til æfinga.
12.00 Hádegishlé
13.00 Námskeið halda áfram og æfingar tónlistarhópa.
16.00 Eyþór Ingi Jónsson, organisti og kórstjóri, ræðir um táknfræði og talnaspeki barokktónlistarinnar. Söngvarar og hljóðfæraleikarar verða e.t.v. nýttir til að gefa tóndæmi.
17.00 Slökun eða áframhaldandi æfingar eftir þörfum.
19.00 Barokkkvöldverður og barokkdansleikur í sal Hólaskóla. Tónlistarfólk á hátíðinni leikur fyrir dansi og velkomið er að troða upp undir borðum.
Sunnudagur 28. júní
11.00 Barokkguðsþjónusta í Hóladómkirkju. Prestur hr. Jón Aðalsteinn Baldvinsson vígslubiskup. Organisti og tónlistarstjóri Eyþór Ingi Jónsson.
14.00 Tónleikar í Hóladómkirkju. Þátttakendur á fyrstu barokkhátíð Barokksmiðju Hólastiftis flytja afraksturinn af starfi helgarinnar.
Aðgangur er ókeypis.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.