Barokkhátíð á Hólum
Um næstu helgi verður að Hólum í Hjaltadal haldin barokkhátíð en þar er á ferðinni nýstofnuð Barokksmiðja Hólastiftis. Að henni stendur Hóladómkirkja, Akureyrarkirkja, Kammerkórinn Hymnodia og áhugafólk um barokktónlist og barokktímann á Íslandi.
-Hátíðin verður á hófsömum nótum þetta fyrsta skipti enda erfitt að afla styrkja og kannski skynsamlegt að byrja smátt en hugsa stórt, segir Pétur Halldórsson barokkari og dagskrárgerðarmaður hjá Útvarpi Norðurlands. -Á föstudagskvöld verður kvöldvaka í Auðunarstofu þar sem Jón Aðalsteinn Baldvinsson vígslubiskup segir frá Hólastað á tímum barokksins, ég segi aðeins frá hugmyndinni um barokksmiðju og smíði sambyggðs sembals og orgels sem Barokksmiðjan ætlar að ráðast í. Ingibjörg Björnsdóttir danskennari kynnir barokkdansa og væntanlega verða einhver tónlistaratriði. Loks geta þeir sem vilja gengið upp í Gvendarskál sem er í fjallinu Hólabyrðu ofan Hólastaðar. Þar mega hljóðfæraleikarar og söngvarar þenja sig að vild ef áhugi er fyrir því.
Á laugardag heldur Ingibjörg Björnsdóttir námskeið í barokkdansi, Marta Guðrún Halldórsdóttir heldur meistaranámskeið í barokksöng og Eyþór Ingi Jónsson, organisti og kórstjóri, talar um talnaspeki barokksins. Á meðan á námskeiðunum stendur æfa tónlistarhópar sem þátt taka í hátíðinni efni sem flutt verður á tónleikum á sunnudaginn. Á laugardagskvöld verður barokkkvöldverður í Hólaskóla og dansaður barokkdans á eftir.
Klukkan ellefu á sunnudag verður barokkmessa í Hóladómkirkju og klukkan tvö hátíðartónleikar þar sem þátttakendur í barokkhátíðinni koma fram með það efni sem æft hefur verið. Góður hópur hljóðfæraleikara hefur tilkynnt þátttöku sína og söngfólk sömuleiðis, meðal annars lunginn úr Hymnodiu.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.