Anna María Magnúsdóttir ráðin forstöðumaður heimilis fyrir fatlað fólk á Blönduósi
Anna María Magnúsdóttir hefur verið ráðin í starf forstöðumanns heimilis fyrir fatlað fólk á Blönduósi. Anna María er með sjúkraliðapróf og hefur lokið námi í skrifstofuskóla Farskóla Norðurlands vestra.
Á vef Skagafjarðar segir að Anna María hafi góða reynslu af vinnu í þjónustu við fatlað fólk og mikla innsýn í þjónustuna en síðustu sex ár hefur hún unnið sem starfsmaður iðju, deildarstjóri og staðgengill forstöðumanns á heimili fyrir fatlað fólk á Blönduósi. Þá þekkir Anna María einstaklingsmiðaða þjónustu á forsendum hugmyndafræði þjónandi leiðsagnar og hefur færni í að leiða og styðja starfsfólk sem og stýra innra starfi og leiða vinnu við að skapa öfluga liðsheild.
Anna María tekur við starfi forstöðumanns 1. maí og er hún boðin hjartanlega velkomna til starfa og henni óskað velfarnaðar í sínum störfum.
Fleiri fréttir
-
Úrslitakeppnin verður ótrúleg!
feykir.is Skagafjörður, Íþróttir, Lokað efni 12.03.2025 kl. 14.44Feykir sagði frá því í morgun að Stólastúlkurnar hans Israel Martin hefðu í gær tryggt sæti sitt í efstu deild og sömuleiðis þátttökurétt í úrslitakeppni Bónus deildarinnar sem hefst um mánaðamótin næstu. Þær eiga þó enn eftir að spila við lið Stjörnunnar hér heima og þá kemur í ljós hverjir andstæðingarnir verða í úrslitakeppninni og dreymir örugglega marga að öflugt lið Þórs á Akureyri verði andstæðingurinn – í það minnsta upp á stemninguna. Israel Martín svaraði nokkrum spurningum Feykis í morgun.Meira -
Auglýst eftir umsóknum í Hátíðarpottinn
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 12.03.2025 kl. 14.33Hátíðapotturinn er stuðningur fyrir íslenskar tónlistarhátíðir til þess að bjóða erlendum blaðamönnum til landsins með það að markmiði að koma íslenskum tónlistarhátíðum og tónlist á framfæri og efla alþjóðleg tengsl. Auk blaðamanna geta hátíðir einnig sótt um fyrir þátttöku listrænna stjórnenda eða annarra lykilaðila ef það þjónar því markmiði að koma íslenskri tónlistarmenningu á framfæri.Meira -
Húnaþing vestra úthlutar úr Atvinnu- og nýsköpunarsjóði
feykir.is Austur-Húnavatnssýsla, Vestur-Húnavatnssýsla, Lokað efni 12.03.2025 kl. 13.48Á 1237. fundi byggðarráðs Húnaþings vestra sem haldinn var 10. febrúar sl. var úthlutað úr Atvinnu- og nýsköpunarsjóði. Alls bárust sex umsóknir og sótt var um alls kr. 8.470.000. Til úthlutunar voru kr. 2.500.000 sem er hækkun um 500 þúsund frá fyrra ári.Meira -
Sláturhús | Guðrún Lárusdóttir bóndi skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.03.2025 kl. 12.30Þessa dagana er deilt um hvort eigi og megi hagræða í slátrun sauðfjár og nautgripa á Íslandi. Síðustu ár hefur verið rekin slátrun fyrir sauðfé í fimm sláturhúsum á Norðurlandi og nautgripum slátrað í fjórum sláturhúsum. Það er því augljóst að tækifæri eru fyrir hendi til að hagræða í slátrun á svæðinu, bændum og neytendum til hagsbóta.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.