Æsispennandi keppni í KS deildinni í gærkvöldi
feykir.is
Skagafjörður, Hestar
18.03.2010
kl. 16.32
Fimmgangskeppnin í KS deildinni var æsispennandi en hún fór fram í Svaðastaðahöllinni í gærkvöldi. Bjarni Jónasson hæstur í stigakeppninni.
Mikil barátta var í B-úrslitum en vel útfærðir skeiðsprettir færðu Elvari E. Einarssyni sigur en í A-úrslitum kom Bjarni Jónasson efstur inn og hélt sæti sínu eftir jafna baráttu við Þórarinn Eymundsson. Hryssurnar þeirra Djásn frá Hnjúki og Þóra frá Prestbæ eru miklir gæðingar og má segja að þær eru vel að sigrinum komnar. Með sigrinum tók Bjarni forystuna í stigakeppninni.
Síðasta keppnin verður 7. apríl en þá verður keppt í smala og skeiði og bíða menn spenntir eftir því kvöldi, segir á heimasíðu Svaðastaða.
Úrslit kvöldsins eru:
B-úrslit
- Elvar Einarsson - Smáralind frá Syðra-Skörðugili 6,64
- Magnús Bragi Magnússon - Vafi frá Ysta-Mó 6,62
- Ísólfur Líndal Þórisson - Kraftur frá Efri-Þverá 6,40
- Heiðrún Ósk Eymundsdóttir - Venus frá Sjávarborg 6,40
- Ólafur Magnússon - Ódysseifur frá frá Möðrufelli 5,62
A-úrslit
- Bjarni Jónasson - Djásn frá Hnjúki 7,24
- Þórarinn Eymundsson - Þóra frá Prestbæ 7,12
- Erlingur Ingvarsson - Blær frá Torfunesi 6,60
- Elvar Einarsson - Smáralind frá Syðra-Skörðugili 6,57
- Mette Mannseth - Háttur frá Þúfum 6,38
Myndir Sveinn Brynjar Pálmason
.
Fleiri fréttir
-
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira -
Bláa boðinu frestað !
feykir.is Skagafjörður, Austur-Húnavatnssýsla, Vestur-Húnavatnssýsla 19.03.2025 kl. 12.10Vegna óviðráðanlegra orsaka verðum við að fresta bláa boðinu sem átti að vera miðvikudaginn 27. mars að Löngumýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.