Að Glæsivöllum
Það er ekki með góðu móti hægt að halda því fram að fjármálastjórn Sveitarfélagsins Skagafjarðar hafi verið með ákjósanlegum hætti yfirstandandi kjörtímabil, þrátt fyrir að tekið sé tillit til erfiðra þjóðfélagsaðstæðna seinni hluta timabilsins.
Í eftirfarandi samanburði hef ég valið að miða við samantekin reikningsskil sveitarfélagsins, þ.e. aðalsjóð í A-hluta og fyrirtæki sveitarfélagsins, sem rekin eru í B-hluta, vegna þess að báðir hlutar eru á ábyrgð sveitarfélagsins og verða ekki af þeim sökum skildir frá rekstri þess.
Heildarskuldir sveitarfélagsins voru 3,16 milljarðar í árslok 2006. Samkvæmt fjárhagsáætlun yfirstandandi árs verða heildarskuldirnar rúmir 4,8 milljarðar, sem er rúmlega 52% skuldaaukning á tímabilinu. Til samanburðar eru áætlaðar heildartekjur sveitarfélagsins rúmir 3 milljarðar á árinu.
Á sama tímabili aukast rekstrartekjur sveitarfélagsins um tæp 30% ef miðað er við krónur á íbúa, úr 390 þús. kr á hvern íbúa sveitarfélagsins í 540 þúsund krónur á íbúa. Skuldirnar aukast hins vegar um 50% á sama tímabili, úr 775 þúsund krónum á íbúa í 1 milljón og 161 þúsund krónur á hvern einasta íbúa sveitarfélagsins.
Frekari skuldasöfnun leiðir ekki til annars en forræði á fjármálum sveitarfélagsins og ákvarðanataka flyst úr héraði.
Fyrir þessu ástandi eru eflaust margar ástæður. Kannski helst að núverandi meirihluti velur á vordögum 2007 að ráðast í nýbyggingu leikskóla í Sauðármýrum í stað fyrri ákvörðunar um að byggja við leikskólann Furukot, ákvörðun sem tekin var á forsendum leikskólans og foreldra á sínum tíma. Þessi, af því bara, stefnubreyting í úrlausn leikskólarýma veldur því að kostnaður verður a.m.k 300% hærri en ella, sem augljóslega skerðir möguleika sveitarfélagsins til framkvæmda og uppbyggingar á öðrum sviðum.
Það er eiginlega sama við hvað er miðað, eða hvaða tímabil er undir, á alla mælikvarða er um óviðunandi ástand að ræða í rekstri sveitarfélagsins undir forystu núverandi meirihluta.
Það er heldur ekki svo auðvelt að snúa ofan af þessu ástandi en við stöndum einfaldlega frammi fyrir því í dag. Möguleikar sveitarfélagsins á auknum skatttekjum eru takmarkaðir þar sem flestir skattstofnar eru komnir að efri mörkum. Sem dæmi eru fasteignagjöld af lítilli blokkaríbúð hér á Sauðárkróki um 35% hærri en á sambærilegri eign í Reykjavík.
Rekstur sveitarfélagsins og þjónusta verður því að snúast um forgangsröðun og hagsmuni allra íbúa sveitarfélagsins en ekki gæluverkefni eða hagsmuni einstakra aðila, sem birtast helst með reglubundnum hætti á fjögurra ára fresti.
Gísli Árnason
Fleiri fréttir
-
Krakkarnir á Barnabóli á Skagaströnd glaðir með nýja útieldhúsið
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 09.51Í fréttaskoti sem Sveitarfélagið Skagaströnd sendi frá sér á dögunum var krúttleg frétt frá leikskólanum Barnaból á Skagaströnd. Fyrir stuttu síðan var nefnilega tekið í notkun nýtt og glæsilegt útieldhús sem hefur vakið mikla lukku hjá krökkunum. Foreldrafélag Barnabóls styrkti framkvæmdina og á það skilið miklar þakkir fyrir. Börnin hafa notið þess að leika sér í eldhúsinu í góða veðrinu sem hefur glatt Skagstrendinga síðustu misseri. Þá óskar leikskólinn eftir því að ef einhver á eldhúsáhöld sem gætu nýst í þessu fína eldhúsi fyrir krakkana þá tekur leikskólinn vel á móti slíkum búnaði.Meira -
Ísmóti Neista á Svínavatni aflýst
feykir.is Austur-Húnavatnssýsla 19.03.2025 kl. 15.08Fyrirhuguðu ísmóti á Svínavatni hefur verið aflýst vegna aðstæðna í umhverfi mótssvæðisins en hlýindi undanfarinna daga hafa sett strik í reikninginn.Meira -
Kleinubakstur til að safna fyrir æfingaferð á USA CUP
feykir.is Skagafjörður 19.03.2025 kl. 14.43Sú hefð hefur skapast hjá 3. flokki, hjá Knattspyrnudeild Tindastóls, að ferðast erlendis í æfingaferð. Þetta árið er komið að 3. flokki karla og munu drengirnir ásamt fararstjórum ferðast til Minneapolis þann 13. júlí nk. Þar munu þeir taka þátt í USA CUP sem er risastórt knattspyrnumót með u.þ.b. 16.000 keppendum. Gist er á heimavistum háskóla á svæðinu og mun þeim gefast tækifæri til að skoða sig aðeins um á meðan á mótinu stendur. Af þessu tilefni hafa þeir verið í fjáröflun frá síðasta vori, þeir hafa selt krydd, aðstoðað við flutninga, selt blóm, sett upp fyrir jólahlaðborð Rótarý og nú er komið að kleinubakstri.Meira -
Vísnakeppni Safnahúss Skagfirðinga
feykir.is Skagafjörður 19.03.2025 kl. 14.40Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.Meira -
Skagfirski kammerkórinn fagnar 25 ára afmæli
feykir.is Skagafjörður, Lokað efni 19.03.2025 kl. 13.00Skagfirski kammerkórinn fagnar 25 ára afmæli sínu á þessu ári. Kórinn var stofnaður 6. janúar árið 2000 af fámennum hópi Skagfirðinga í stofunni á Syðstu-Grund. Þeirra á meðal var Sveinn Arnar Sæmundsson organisti og kórstjóri sem stjórnaði kórnum til ársins 2002.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.